ब्युटी न्युज नेपाल
काठमाडौं, २८ मँसिर
अभिनेता सविन श्रेष्ठ र अभिनेत्री अनु शाहको जोडी यतिबेला फेरी नयाँ म्युजिक भिडियो मार्फत दर्शकमाझ आएका छन् । गायक सरगम राई र गायिका अनु चौधरीको स्वर रहेको नयाँ गीत‘भाकि सके..’को भिडियोमा यी जोडी प्रस्तुत भएका छन् । यो भिडियोलाई द आरजिटी फिल्मस्बाट रिलिज गरिएको छ ।
गीतको भिडियोमा सविन र अनुलाई एक अर्कामा समर्पित प्रेमी प्रेमिकाका रुपमा प्रस्तुत गरिएको छ । उनीहरुको प्रेमालापका पलहरु भिडियोमा हेर्न पाईन्छ । यो म्युजिक भिडियोलाई केशव राज भट्टले निर्देशन गरेका हुन् । भिडियोका छायाँकन कालिन्चोक र आसपासमा गरिएको छ । यो भिडियोमा प्रकाश खड्काको छायांकन, दिनसन शाहको सम्पादन रहेको छ ।
सरगमसँगै पछिल्लो समय चर्चामा रहेकी गायिका अनु चौधरीको स्वरमा यो गीत मिठो बनेको छ । गीतमा सरगमकौ शव्द तथा संगीत छ । यसमा संगीत संयोजन बादल लिम्बुले गरेका छन् ।
