ब्युटी न्युज नेपाल
काठमाडौं, २५ मंसिर
संगीतकार तथा गायक राजेन्द्र बजगाईंको स्वरमा नयाँ गीत टेन्डर २ श्रोतामाझ आएको छ । यो गीतको भिडियोलाई अभिरा क्रियसनबाट रिलिज गरिएको छ । यस अघि निकालिएको गीत टेन्डर सफल भएपछि सृँखलाको रुपमा टेन्डर २ निकालिएको हो ।
भुवन शर्मा कँडेलले लेखेको यो गीतलाई बिशाल ढकालले संगीत गरेका हुन् । बिगतमा आफ्नो संगीतमा रहेका गीत गाउँदै आएका बजगाईंले यसपटक बिशालको संगीतमा यो गीत गाएका छन् । विश्व अधिकारी र राजेन्द्रले यो गीतमो संगीत संयोजन गरेका हुन् ।
यो गीत नृत्यप्रधान रहेको छ । गीतको भिडियो पनि नृत्य प्रधान बनेको छ । रामजी लामिछानेको कोरियोग्राफी र निर्देशनमा बनेको यो गीतको भिडियोमा सुधिर श्रेष्ठ र आशा पौडेलको अभिनय रहेको छ । भिडियोलाई बन्दे प्रसादले सम्पादन तथा मानकृष्ण महर्जनले छायाँकन गरेका हुन् ।
