ब्युटी न्युज नेपाल
काठमाडौं २३ मंसिर
माघे सक्रान्तिको अबसर पारेर आगामी २९ पुसमा नेपाल र अन्य मुलुकमा रिलिज हुने नेपाली चलचित्र ‘तिम्रो मेरो साथ’ को नयाँ गीत जोश छ जवानीको …को भिडियो काठमाडौंमा एक समारोहबीच रिलिज गरिएको छ । यो चलचित्रलाई रमेश एमके पौडेलले निर्देशन गरेका हुन् । यस अघि निर्माता रहेका पौडेलको यो डेब्यु निर्देशन हो ।
योगेश काजीको संगीत रहेको यो गीतलाई योगेश काजी शाह र सारिका घिमिरेले गाएका हुन् । गीत शब्द निर्देशक पौडेलले ने लेखेका हुन् ।
यो आईटम गीतमा अभिनेत्री साम्राज्ञी राज्यलक्ष्मी शाहको निकै कामुक नृत्य रहेको छ । गीतको भावलाई उनले निकै राम्ररी भिडियोमा पोखेकी छिन् । उनीसँग अभिनेता पुष्प खडका र सन्दीप क्षत्रीको नृत्य पनि यो गीतमा छ । रामजी लामिछानेले गीतको कोरियोग्राफी निकै आकर्षक रुपमा गरेका छन् ।
चलचित्र तिम्रो मेरो साथमा पुष्प, साम्राज्ञी र सन्दीपसंगै इमिली लामा, सरोज खनाल, खड्का बहादुर पुन, दिपिशा केसीलगायतका कलाकारहरुको मुख्य भूमिका रहेको छ ।
कार्यकारी निर्माण रहेको सिनेमामा पासाङ लामा, अर्नव पौडेल, आर्यन पौडेलको निर्माण र नीरु भण्डारी, अशोक पोखरेल, सुमन पौडेल, सुधिर पराजुलीको सहनिर्माण छ ।
तिम्रो मेरो साथमा पासाङ लामा, अर्नव पौडेल, आर्यन पौडेलको निर्माण तथा नीरु भण्डारी, अशोक पोखरेल, सुमन पौडेल, सुधिर पराजुलीको सहनिर्माण रहेको छ ।
यो चलचित्रलाई सबिर श्रेष्ठले लेखेका हुन् । जसमा शिव ढकालको छायाँकन, सुवाष भुषाल/योगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ ।
