ब्युटी न्युज नेपाल
काठमाडौं, १९ कात्तिक
नयाँ चलचित्र ’तिम्रो मेरो साथ’ आगामी २९ पुषमा रिलिज हुँदैछ । यो चलचित्रको टिकटक भिडियो प्रतियोगिता आव्हान गरेको छ । निर्माता रमेश एमके पौडेलको निर्देशकिय डेब्यू सिनेमाले तिहारमा रिलिज गरेको ’रुमालै बाटेर टाई बनाम’ बोलको गीतमा टिकटक भिडियो प्रतियोगिता घोषणा गरेको हो । सिनेमाको यो गीतले यूट्यूबमा रिलिज भएको ७ दिनमा १.१ मिलियन भ्यूज पार गरेको थियो।
यस प्रतियोगितामा भाग लिन चाहने इच्छुकले गीतको बोलमा तीन वटा हयास ट्याग प्रयोग गरेर भिडियो बनाउनुपर्नेछ । प्रतियोगीहरुले #rumalaibatera, #timromerosath, #RameshMKPoudel ह्यासट्याग प्रयोग गर्नुपर्नेछ।
सहभागीहरूले ह्यासट्यागको प्रयोग गरेर भिडियोलाई आफ्नै एकाउन्टमा अपलोड गर्नुपर्ने आयोजक टिमले जनाएको छ । यसको अन्तिम नतिजा पुस २६ गते घोषणा गरिनेछ।
साम्राज्ञी शाह तथा पुष्प खड्काको अभिनय रहेको यो चलचित्र प्रेम कथामा आधारित रहेको बताईएको छ । टिकटक प्रतियोगिता सिनेमाका अन्य गीतमा पनि ती गीत रिलिज भएसँगै क्रमशः लागु हुनेछ। सिनेमामा कुल ३ वटा गीत रहेका छन् । ’रूमालै बाटेर टाई बनाम’ बोलको गीत सुभाष भुसालको संगीतमा तयार भएको हो भने शब्द वि पाण्डेले लेखेका हुन्। यस्तै गीतमा मेलिना राई र जगदिश समालको युगल स्वर रहेको छ।
सिनेमामा साम्राज्ञी तथा पुष्पको अलावा सन्दिप क्षेत्री, इमिली लामा, सरोज खनाल, दिपिशा केसी, खड्क बहादुर पुन(खबपु) आदिको मूख्य भूमिका रहेको छ। सिनेमालाई सबिर श्रेष्ठ तथा बाबुराम निरौलाले संयूक्तरुपमा लेखेका हुन्।
आर्यन फिल्मस् र बोधी एचडिको ब्यानरमा निर्माण भएको सिनेमामा पासाङ लामा निर्माता हुन भने निरू भण्डारी, अशोक पोखरेल, सुमन पौडेल तथा सुधिर पराजुली सह–निर्माताका रूपमा रहेका छन्। यसैगरी सविर श्रेष्ठ सिनेमाका कार्यकारी निर्माता हुन्। यसैगरी सविर श्रेष्ठ सिनेमाका कार्यकारी निर्माता हुन्।
