ब्युटी न्युज नेपाल
काठमाडौं, ४ कात्तिक
पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले नेपाली चलचित्र महापुरुष हेर्ने इच्छा व्यक्त गरेका छन् । शुक्रबार बिहान आफ्नो फेसबुकमा हास्यब्यँग्य अभिनेता मदनकृष्ण श्रेष्ठको अभिनयको प्रसँसा गर्दै उनले फेसबुकमा चलचित्र महापुरुष हेर्ने इच्छा व्यक्त गरेका हुन् ।
यो उमेरमा पनि मदनकृषण् श्रेष्ठले महापुरुषमा अभिनय गरेको देखेर उनको सो कार्यको प्रसँसा गर्दै अध्यक्ष ओलीले आफ्नो फेसबुक पेजमा यस्तो लेखेका छन्,‘वाह कस्तो इच्छाशक्ति
सुप्रसिद्ध कलाकार मदनकृष्ण श्रेष्ठको बाँचुञ्जेल अभिनय गर्ने सदिच्छा पूर्ण होस् भन्ने कामना गर्दछु। मलाई पनि उहाँद्वारा पछिल्लो पटक अभिनित चलचित्र महापुरुष हेर्ने इच्छा लागेको छ। चलचित्र महापुरुषको भव्य सफलताको कामना गर्दछु।’
चलचित्र महापुरष कात्तिक ११बाट देशव्यापी रिलिज हुँदैछ । यो चलचित्रलाई प्रदीप भट्टराईले निर्देशन गरेका हुन् । महापुरुषमा मदनकृष्ण श्रेष्ठसहित हरिबँश आचार्य, गौरी मल्ल, अरुण क्षत्री, अञ्जली बराईली, राजाराम पौडेलसहितको मुख्य भूमिका रहेको छ ।
