ब्युटी न्युज नेपाल
काठमाडौं, ३१ असोज
एसियन म्युजिकले नयाँ सिरिज ‘लभ नम्बर २२’ बनाएको छ । नेपालमा उदाइरहेको ओटिटि प्लेटफर्म फोपि सँग मिलेर एशियनले यो सिरिज बनाएको हो । ‘लभ नम्बर २२’ असोज ३० मा फोपिमा रिलिज हुँदैछ । अहिलेको युवा पुस्ताको कथा बोल्ने सिरिजले दर्शकलाइ भरपुर् मनोरंजन दिनेमा निर्माण टिम बिस्वस्त छ ।
सिरिजलाई संकल्प भुजेलले छायाँकन र कृष्ण भण्डारीले सम्पादन गरेका छन्। इश्वर गुरुङ र इभान गुरुङले निर्माण गरेको सिरिजमा अमृत ढुंगाना,रक्षा थापा,अमितेश शाह,अस्मिता खनाल,रिवाज लामा,सेजल गौतम,नारायण प्रधान,स्वर्णीमा खतिवडा लगाएतका कलाकारको अभिनय रहेको छ।
बसन्त अधिकारी एसोसियट निर्देशक रहेको ‘लभ नम्बर २२’ मा खगेन्द्र श्रेष्ठ र दिपेन्द्र तामाङ सह निर्माता रहेका छन् । यो सिरिल सरिन पोखरेलको कथा र निर्देशनमा तयार भएको हो ।
