ब्युटी न्युज नेपाल
काठमाडौं, २१ असोज
अहिले पनि अभिनेता राजेश हमालको नाममा चलचित्रको ब्यापार हुने गरेको छ । यसै क्रममा अभिनेता राजेशको नाममा चलचित्र ‘म राजेश हमाल’ निर्माण भएको छ । यो चलचित्रको यतीबेला फर्स्टलुक पोस्टर संगै रिलिज मिति सार्वजनिक गरिएको छ । चलचित्रका निर्माता केदार भुसालले आफ्नो जन्मदिन पारेर दशैंको अवसरमा चलचित्र ’म राजेश हमाल’को रिलिज मिति सार्वजनिक गरेका हुन् । चलचित्र आगामीचैत्र १० गते बाट देशभर प्रदर्शनमा आउने भनिएको छ ।
जोन योञ्जनले निर्देशन गरेको यो चलचित्रमा सञ्चिता लुँइटेल, मुकुन भुसाल, महेश त्रिपाठी, एभोन राज उप्रेती, सँजोग रसाइली र अस्मिता लामिछानेको मुख्य भुमिका रहेको छ । चलचित्रमा आर्यन सिग्देल बिसेष भूमिकामा देखिने छन् भने राजेश हमलाको आवाज समेटिएको छ । चलचित्रका कथाकार जोन योञ्जन हुन भने पटकथामा जोनलाइ सायदले साथ दिएका छन। आलोक शुक्लाको छायाँकन, भिम विश्वकर्माको सम्पादन, मणि रत्न त्रिपाठिको साउण्ड डिजाइन रहेको चलचित्रको स्क्रिप्ट डक्टर भने केशव पाण्डे हुन। चलचित्रमा दिपक आर जे र कमल रेग्मिको संगीत रहेको छ।
किरण कुमार महर्जन सह–निर्माता रहेको चलचित्रमा जिव लाल भुसाल, नविन भुसाल र श्रृषा भुसाल भने कार्यकारि निर्माता हुन्। बड पिक्चर, जोय पपया, ट्राइडेन्ट कन्सेप्ट र फोपिको ब्यानरमा बनेको चलचित्र फिल्कर आर्ट्सले निर्माण गरेको हो । राजेश हमाल केवल सुपारस्टार होइनन् उनि एक भावना हुन् भन्ने ट्यागलाइनमा बनेको चलचित्र को पोस्टर भने ट्राइडेन्ट कन्सेप्टका रोयल भिमसेन (भिमसेन शाही) ले डिजाइन गरेका हुन् ।
