ब्युटी न्युज नेपाल
काठमाडौं, २२ असोज
बिगतमा झैं यस पटक पनि नेपाल चलचित्र कलाकार सँघलै अग्रज कलाकारको हातबाट दशैंको टिका लगाउने कार्यक्रम काठमाडौंमा सम्पन्न गरेको छ । दशैंको अबसर पारेर नेपाल संगीत तथा नाट्य प्रज्ञा प्रतिष्ठानका उपकुलपति तथा बरिष्ट कलाकार हरिहर शर्माको हातबाट सबै कलाकारले शनिबार काठमाडौंमा टिका ग्रहण गरेका छन् । सो क्रममा कलकारहरुले आपसमा दशैं तिहारको शुभकामना पनि आदन प्रदान गरे ।
कलाकार संघको यसपटकको टिका कार्यक्रममा स्टार कलाकार भनेकै नायक सविन श्रेष्ठ सहभागी भए । टिका कार्यक्रममा अहिलेका लोकप्रिय स्टार कलाकारहरु अनमोल केसी, प्रदीप खडका, स्वस्तिमा खड्का, केकी अधिकारी, पुष्प खड्का, साम्राज्ञी राज्यलक्ष्मी शाह जस्ता हस्तीहरु सहभागी भएनन् । कलाकार संघका अध्यक्ष रविन्द्र खड्काको सभापतित्वमा सम्पन्न सो टिका कार्यक्रममा स्टार कलाकार नआउँदा कार्यक्रम नै खल्लो जस्तो भयो ।
तथापी कार्यक्रममा नेपाल चलचित्र कलाकार संघका अध्यक्ष रविन्द्र खड्का सहित उपाध्यक्ष मोहन निरौला, सानु ताम्राकार, महासचिब चेतवबहादुर सिंह, कलाकार संघका पूर्व अध्यक्ष एवम् अभिनेता कृष्ण मल्ल सहितका पदाधिकारी सहभागी भए । अन्य अतिथिमा नेपाल चलचित्र निर्माता संघका अध्यक्ष नवल खड्का, निर्माता संघका पूर्व अध्यक्ष राजकुमार राई, निर्देशक समाजकी निवर्तमान अध्यक्ष सुचित्रा श्रेष्ठ सहित विभिन्न कलाकारहरु उपस्थित भए । कलाकार संघका अध्यक्ष रबिन्द्र खड्का, उपाध्यक्ष मोहन निरौला, नाट्य संगीतका उपकुलपति हरिहर शर्मा, पूर्व अध्यक्ष कृष्ण मल्ललगायतले कार्यक्रममा दशैंको शुभकामना मन्तव्य ब्यक्त गरे ।
