बलिउड अभिनेत्रीहरु आफ्नो मुहारलाई सुन्दर राख्न बेला बेला मुहारको विभिन्न अँगको सर्जरी गरिरहन्छन्। यस्तै आफ्नो ओठलाई सुन्दर बनाउन बलिउडका एक दर्जन भन्दा बढी नायिकाहरुले ओठको सर्जरी गरिसकेका छन् । केही अभिनेत्री सर्जरीको तयारीमा छन् ।
अभिनेत्री श्रीदेबीले यो साता आफ्नो ओठको सर्जरी गरेकी छिन्। यस अघि उनको ओठ सानो र पातलो थिए । यसपटक उनले ओठको सर्जरी गरेर केही बाक्लो र ठुलो बनाएकी छिन् । श्रीदेबीले नाकको पनि सर्जरी गरेर अत्ति चुच्चो नाकलाई केही फरक बनाएकी छिन् । मुहारको चाउरीपन पनि प्लास्टिक सर्जरीबाट हटाएपछि उनी फरक देखिएकी छिन् । सर्जरी पछि कार्यक्रममा सार्वजनिक भएपछि श्रीदेबीको मुहार अर्कै देखिएको टिप्पणी बलिउडकर्मीले गरेका छन् । त्यसो त बलिउडमा धेरैजसो नायिकाहरुको ओठ सानो र पातलो थियो । केहीको भद्दा र नाक छुने ओठ थियो । उनीहरुले पालै पालो सर्जरी गरेर आफ्नो पाललो ओठ बाक्लो र ठुलो तथा भद्दा ओठ छरितो बनाएका छन् ।
अभिनेत्री ऐश्वर्य राय बच्चनको ओठ पनि पातलो थियो । उनले केही वर्ष अघि कस्मेटिक सर्जरी गरेर ओठ मोटो बनाएकी हुन् । अभिनेत्री आयसा टिकीयाले पनि आफ्नो ओठ प्लास्टिक सर्जरी मार्फत परिवर्तन गरेकी हुन् । पहिला उनको ओठ निकै फराकिलो र लाम्चो थियो । सर्जरीबाट उनले दुबै ओठ छरितो बनाएकी हुन् ।
अभिनेत्री अनुष्का शर्माको तल र माथि दुबै ओठ पातलो थियो । त्यसले उनको ओठ लाम्चो देखिएको थियो । कस्मेटिक सर्जरी मार्फत उनले तर र माथिको ओठ मोटो एवं आकर्षक बनाईन् । अभिनेत्री कँगना रनौतको ओठ त सिरुपाते थियो । अहिलेको निकै सुन्दर र मोठो ओठ उनको कस्मेटिक सर्जरी मार्फत नै सम्भव भएको हो ।
अभिनेत्री कैटरिना कैफको पनि बास्तविक ओठ पातलो र भित्र पसे जस्तो थियो । उनले कस्मेटिक सर्जरी मार्फत ओठलाई मोटो, बाहिर उठेको र आकर्षक बनाईन् । अभिनेत्री प्रिती जिन्टाको माथिको ओठ निकै पातलो र तलको पनि सामान्य थियो । अहिले उनको दुबै ओठ मोटो, बाक्लो र सुन्दर हुनुको रहस्य कस्मेटिक सर्जरी नै हो ।
अभिनेत्री प्रियँका चोपडाको दुबै ओठ मोटो भए पनि माथिल्लो ओठले हास्ने क्रममा नाच छुने गथ्र्यो । उनले कस्मेटिक सर्जरी मार्फत नाक र ओठ बीचको ग्याप घटाएकी हुन् । ओठलाई आकर्षक र अझ सुन्दर बनाईन् । यी बाहेर अरु पनि थुप्रै नायिकाहरुले आफ्नो ओठलाई कस्मेटिक सर्जरी मार्फत सुन्दर, मोटो, कामुक र आकर्षक तुल्याएका छन् । – मुम्बई, एजेन्सी
