ब्युटी न्युज नेपाल
काठमाडौं, ८ साउन
पहिलो देखि तेश्रो सृँखलासम्म चलचित्र छक्का पञ्जालाई दीपाश्री निरौलाले निर्देशन गरेकी थिईन् । ‘छक्का पञ्जा ४’लाई हेमराज बिसीले निर्देशन गर्ने भएका छन् । यो चलचित्रको शुभ मुहुर्तसँगै सोमबारबाटै छायाँकन सुरु भएको छ ।
सोमबार बिहान भक्तपुरको सूर्य विनायक गणेश मन्दिरमा छक्का पञ्जा ४ को शुभमुहूर्त गरियो । यो चलचित्रमा दीपकराज गिरी, दीपाश्री निरौला, केदारप्रसाद घिमिरे ‘माग्ने बुढा’, बेनिशा हमाल, नीर शाह, निर्मल शर्मा, मलिना जोशी, रमेश बुढाथोकी, सुवास गजुरेललगायतको कलाकारको मुख्य भूमिका रहने जानकारी मुहुर्त समारोहमा गराईयो ।
चलचित्रलाई केही फरक र अझ राम्रो बनाउन यसपटक निर्देशनको जिम्मेवारी हेमराज बिसीलाई सुम्पिएको निर्माता एवम् अभिनेता दीपकराज गिरीले कार्यक्रममा बताए । सो समारोहमा दीपाश्रीले छक्का पाञ्जा ४ को बारेमा थप प्रकाश पारिन् ।
दीपक राज गिरी र दीपा श्री निरौलाको प्रस्तुति रहने यो चलचित्रको कार्यकारी निर्मातामा केदारप्रसाद घिमिरे र निर्मल शर्मा रहनेछन् । चलचित्रमा नरेन्द्र मैनालीको छायाँकन, दीपक शर्माको र कृष्ण भारद्वाजको संगीत रहने पनि कार्यक्रममा जानकारी गराईयो ।
