ब्युटी न्युज नेपाल
काठमाडौं, १८ जेठ
१० औं नेपाल अफ्रिका फिल्म फेस्टिबल २०२२ मँगलबार बेलुकाबाट सकिएको छ । नेपालका १२ वटा र बिदेशी १४ मुलुकका १४ चलचित्र प्रदर्शन गर्दै यो महोत्सब सकिएको हो । यो महोत्सबमा सहभागी फिल्मबाट अन्तराष्ट्रिय विधा तर्फ करिम ताजोआउट निर्देशित मोरक्कोको फिल्म ‘घोष्ट अफ स्पेशटाईम’ले उत्कृष्ट लघू चलचित्रको अवार्ड जितेको छ । यस्तै सेकोउ त्राओरी निर्देशित बुर्किना फोसोको फिल्म ‘आई अफ द स्ट्रोम’ले उत्कृष्ट चलचित्रको अवार्ड जितेको छ ।
महोत्बसमा राष्ट्रिय तर्फ कृषा चौलागाईंको चलचित्र ‘ऐना’ उत्कृष्ट लघु चलचित्र र माधवराज खरेलको चलचित्र ‘कुइनेटो’ उत्कृष्ट चलचित्र बन्न सफल भएको छ । कुईनेटोबाटै अभिनेता श्रीदेव भट्टराईले जुरी तर्फको अभिनेता अवार्ड र जीवन पराजुलीले उत्कृष्ट छायाँकारको अवार्ड जिते । महोत्सबमा लघू चलचित्र ऐनाबाट कृषाले क्रिटिक्स तर्फको उत्कृट निर्देशक अवार्ड र ऐनाबाटै भुपेन्द्र अधिकारीले उत्कृष्ट सम्पादकको अवार्ड जितेका छन् ।
चलचित्र ‘द ब्लाक कर्नर’बाट निर्देशक लक्षु गौतमले उत्कृष्ट निर्देशन तर्फको जुरी अवार्ड, चलचित्र ‘शँका’ बाट सुमन दाहालले उत्कृष्ट ‘सोसियल म्यासेज फिल्म’को अवार्ड प्राप्त गरे । महोत्सब चलचित्र ‘राईज’ले पाँच विधामा अवार्ड पायो ।
राईजबाट उत्कृष्ट निर्देशकको अवार्ड ऋषीराज आचार्यले हाँसिल गरे । राईजबाटै गजित बिष्टले उत्कृष्ट अभिनेताको अवार्ड, सरिता भारतीले उत्कृष्ट अभिनेत्रीको अवार्ड चुमे । यस्तै राईजबाटै, तुलसी प्रसाद श्रेष्ठले उत्कृष्ट खलनायकको अवार्ड, रिना अवालेले उत्कृष्ट हेयर स्टाईलको अवार्ड प्राप्त गरे ।
उत्कृष्ट सह अभिनेताको अवार्ड के.डी प्रसितले चलचित्र ‘थर्ड आई’बाट हाँसिल गरे । यस्तै उत्कृष्ट स्कृप्ट राईटिङको अवार्ड पुरुष्षोतम बस्नेतले चलचित्र गरिमाबाट हाँसिल गरे । कार्यक्रममा चलचित्र द डटरबाट राजेन्द्र बजगाईंले उत्कृष्ट ब्याक ग्राउन्ड म्युजिक निर्देशनको अवार्ड, द डटरबाटै रेनिश फागोले उत्कृष्ट कलर करेक्सनको अवार्ड जिते । इनु थापाले पनि द डटर चलचित्रबाटै उत्कृष्ट कस्ट्युम डिजाईनको अवार्ड प्राप्त गरिन् । महोत्सबमा स्टुडेन्ट फिल्मको प्रतिस्पर्धामा सनोल दाशको चलचित्र ‘झोल’ उत्कृष्ट भएको छ ।
आईतबारबाट काठमाडौंको नाचघरमा सुरु भएको तीन दिवसीय नेपाल अफ्रिका फिल्म फेस्टिबल २०२२ मँगलबार बेलुका अवार्ड प्रदान गर्दै सकिएको छ ।
अग्रज अभिनेता सुनिल थापा, नेपाल चलचित्र निर्माता संघका अध्यक्ष आकाश अधिकारी, सांस्कृतिक संस्थानका महाप्रबन्धक अशोक प्यासी राई, अग्रज अभिनेता सुनिल थापा, डिस्ट्रिक ३२५ बि वान एलकी जोन चेयरपर्सन लायन एवम् अग्रज ब्युटिसियन सोनी कारँजित, चलचित्र पत्रकार संघका पूर्व अध्यक्ष शान्तिप्रिय लगायतले बिजेताहरुलाई अवार्ड प्रदान गरे ।
यो एक दशकमा नेपालमा यो महोत्सबले अफ्रिका र अफ्रिकी फिल्मसँगै नेपाली फिल्मलाई पनि दर्शकमाझ पुर्याउने काम गरेको यी बक्ताहरुले कार्यक्रममा बताए । महोत्सब निर्देशक डब्बु क्षत्रीले यो एक दशकमा अफ्रिकाका अधिकाँस मुलुकका सिनेमा आफुहरुले प्रदर्शन गरिसकेको बताए । महोत्सबमा दर्शकले आफ्रिकी फिल्मबाट अफ्रिकालाई चिन्ने अबसर पाएको पनि उनले बताए ।
महोत्सबकी अध्यक्ष डा. मञ्जु मिश्रको अध्यक्षतामा कार्यक्रम आयोजना भएको थियो । आफुहरु अब अर्को वर्ष ११ औं संस्करणको महोत्सब लिएर आउने महोत्सबकी अध्यक्ष डा. मञ्जु मिश्रले बताएकी छिन् ।
कलेज अफ जर्नालिजम एन्ड मास कम्युनिकेशन र विलक्षण क्रियसन प्रा.लिद्धारा आयोजित यो महोत्सबको निणर्ायकमा अग्रज संगीतकार जुगल डँगोल, अभिनेताहरु प्रेम पाण्डे, प्रवन भुसाल, सागर घिसिङ, नेपाल म्युजिक भिडियो निर्देशक समाजका अध्यक्ष विधान कार्की, कोरियोग्राफर तथा भिडियो निर्देशक अजय स्याङतान र चलचित्र पत्रकार कुवेर गिरी थिए ।
तस्बिर : लक्ष्मन महर्जन
