ब्युटी न्युज नेपाल
काठमाडौं, १२ जेठ
उनको नृत्य परिपक्क नृत्य कलाकारको भन्दा काम छैन । उनी गायनमा पनि त्यत्तिकै कुशल छिन् । अभिनयमा पनि त्यत्तिकै पोख्त छिन् । यि तीन वटै प्रतिभाको मिश्रित बाल कलाकार हुन परिश्ना बास्तोला । उनी बाल मोडल तथा बाल गायिकाको रुपमा अहिले चर्चामा छिन् ।
उनी यसै साता राजधानीमा ‘मिस लिटिल आइकन नेपाल–२०२२’ उपाधि चुम्न सफल भएकी छिन् । १० वर्षकै उमेरमा विभिन्न उपलब्धिहरु हासिल गरिसकेकी यी प्रतिभावान बाल कलाकार अहिले यो उपाधिका कारण पनि चर्चामा छिन् ।
टिएस ईन्टरटेन्मेन्टका प्रवन्ध निर्देशक अभिनेता एसराज गराचले परिश्नालाई उक्त उपाधि सहित सम्मान गरेका हुन् । टिएस ईन्टरटेन्मेन्टले परिश्नालाई ‘मिस लिटिल आइकन नेपाल–२०२२’ को पहिलो उपाधि विजेताको रुपमा सम्मानित गरेको हो ।
सुनसरीको ईटहरीमा जन्मिएकी उनी हाल काठमाडौंमा वसोबास गरिरहेकी छिन् । साढे दुई वर्षको उमेरमै सन् २०१४ मा एउटा फोटो सेसनमा सहभागि हुँदै परिश्नाले आफ्नो मोडलिङ यात्रा प्रारम्भ गरेकी हुन् । त्यसको तीन वर्षपछि साढे पाँच वर्षको उमेरमा परिश्नाले लेट मि डान्स स्कूल च्याम्पमा भाग लिइन् । परिश्ना डिएभी (सुशील केडिया विश्व भारती) स्कूलमा कक्षा ६ मा अध्ययनरत छिन् ।
सन् २०१९ मा किड्स क्यापिटल २०१८ मा सहभागिता जनाएर परिश्नाले बेस्ट डान्स तथा पपुलर च्वाइस विधाको अवार्ड जित्न सफल भइन् । आफू अध्ययनरत विद्यालयका सांगीतिक तथा नृत्य प्रतियोगितामा सहभागिता जनाएर प्रथम पुरस्कार जितिसकेकी पेरिश्नाले अघिल्लो वर्ष सम्पन्न पेजेन्ट नेपाल फेसन एण्ड मोडल अवार्ड २०२१ मा बेस्ट रनवे मोडल किड्स २०२१ को अवार्ड पाइसकेकी छिन् ।
यसका साथै उनले दुई वर्षअघि सम्पन्न स्पर्श म्युजिक भिडियो अवार्ड २०२० मा बेस्ट किड्स मोडल मोर्डन पप विधामा अवार्ड जितिसकेकी छिन् भने अघिल्लो वर्ष आयोजित स्पर्श म्युजिक भिडियो अवार्ड २०२१ मा पनि बेस्ट किड्स मोडल मोर्डन पप २०२१ को अवार्ड जित्न सफल भइन् । हालसम्म तीन वटा म्युजिक भिडियोमा अभिनय गरिसकेकी पेरिश्ना गायिका समेत हुन् । उनले एउटा गीतको रेकर्डिङ गरिसकेकी छिन् ।
विभिन्न स्थानमा आयोजित सांस्कृतिक कार्यक्रममा आफ्नो प्रस्तुति दिइसकेकी परिश्ना ताराना इन्टरनेशनल तथा न्यू इन्डिया लाइभ कार्यक्रममार्फत धेरै पटक लाइभ शो समेत सञ्चालन गरिसकेकी छिन् । यो कार्यक्रम अष्ट्रेलिया तथा भारतबाट लाइभ गरिन्छ ।
यसबाहेक उनले लाइफ ब्वाइ साबुनको टिभिसीमा समेत भ्वाइस ओभर गरेकी छिन् । परिश्नाले हिपहप डान्सको प्रशिक्षण लिइसकेकी छिन् भने गायनका लागि भोकल लेभल एक इस्टर्न कोर्स समेत गरिसकेकी छिन् । यसबाहेक उनले करिब एक महिनासम्म फिल्म अभिनयको प्रशिक्षण समेत लिइसकेकी छिन् ।
