ब्युटी न्युज नेपाल
काठमाडौं, ११ जेठ
पछिल्लो समय समाजमा बलात्कारका घटनाहरु व्यापक भईरहेका छन् । यस्तो जघन्य अपराध को घटनालाई उठान गरि नयाँ म्युजिक भिडियो बजारमा आएको छ । गीतकार भामा देवकोटा शर्माको रचना र स्वरुपराज आचार्यको स्वर रहेको नयाँ गीत ’खोजी हिडे’ को भिडियो सार्वजनिक गरिएको हो । भामा पेशाले चिकित्सक हुन् र उनी अमेरिकामा बस्छिन् । यो गीत अनुनय एल्बममा संग्रहित छ । यो गीतमा बिष्णु तामाङले संगीत दिएका छन् ।
उक्त भिडियोलाई उत्तर राना मगरले सम्पादन गरेका हुन । जसमा दिनेश पराजुलीको छायाँकन रहेको छ । भिडियोलाई वसन्त सापकोटाले निर्देशन गरेका हुन । दीपक कुमार शर्मा र अम्बिका शर्माले निर्माण गरेको भिडियो प्रभामा क्रिएसन नामक युटुब च्यानालमार्फत सार्वजनिक गरिएको छ । भिडियोमा डा.प्रमोद शर्मा र अमृता श्रेष्ठको साथमा खेमनाथ खनालले समेत अभिनय गरेका छन् ।
