ब्युटी न्युज नेपाल
काठमाडौं, १ बैशाख
चलचित्र ‘षट्कोण’को ट्रेलर सार्वजनिक गरिएको छ । नयाँ वर्ष २०७९ को अबसर पारेर यो चलचित्रको ट्रेलर बुधबार इन्टरनेटमा रिलिज गरिएको हो । साइकोलोजिक थ्रिलर जनरमा बनेको यो फिल्मको ट्रेलरले दर्शकमा कौतुहलता जगाउने देखिन्छ ।
२ मिनेट लामो सार्वजनिक ट्रेलरमा कर्मा एक मर्डर मिस्ट्रीको खोजीमा लागेको पत्रकारको भुमिकामा दखिएका छन् । षट्कोण मिलनको डेव्यु निर्देशकिय सिनेमा हो । सार्वजनिक टिजर र ट्रेलरबाट उनले निर्देशनमा राम्रो सम्भावना देखाएका छन् । सिनेमा टिजर र ट्रेलर भन्दा निकै राम्रो बनेकाले दर्शकले मन पराउनेमा निर्देशक मिलन डि काप्रीको कथन छ ।
यो चलचित्रमा अभिनेता कर्मा, भोलाराज सापकोटाका, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बाल कलाकार असिम लामाको अभिनय रहेको छ । शिशिर लिम्बु वानेमको कथा तथा पटकथा रहेको सिनेमाको संवाद महेश दवाडीले लेखेका हुन् ।
क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको सिनेमा आगामी बैशाख २३ गतेबाट नेपाल भरका सिनेमा घरमा रिलिज हुनेछ । कोरोना महामारी अगाडी नै निर्माण भएको सिनेमाको सम्पुर्ण काम सकेर प्रदर्शनको पालो कुरेर बसेकाले अहिले समय उत्तम लागेकाले रिलिजको लागि तयार भएको निर्माण टिमको भनाई छ ।
सिनेमामा आङ्छेन लामाको छायांकन, सागर खनाल र निर्देशक मिलन डि काप्रीको सम्पादन छ । क्लेमेन्टाइन प्रोडक्सनको युट्युब च्यानलबाट टिजर रिलिज गरिएको सिनेमालाई वितरण जिम्मा आरआर फिल्मस्ले लिएको छ ।
