ब्युटी न्युज नेपाल
काठमाडौंँ, २८ चैत
‘मिष्टर नेपाल २०२२’ को प्रतियोगीले काठमाडौंमा ट्यालेन्ट राउण्ड अन्तर्गत आफ्नो प्रतिभा प्रस्तुत गरेका छन् । सो अवसरमा सबै प्रतियोगीताले नृत्य, अभिनय, गायन, वक्तृत्वकला, पेन्टिङ लगायत विषयमा आ–आफ्नो प्रतिभा देखाए । यो चरणको निर्णायकमा अभिनेत्री सुष्मा कार्की, पूजना प्रधान, कोरियोग्राफर सुमन श्रेष्ठ लगायत थिए । ट्यालेन्ट राउण्डको विजेताले फाइनलमा मिष्टर ट्यालेन्टको उपाधि प्राप्त गर्नेछन् । यो प्रतियोगिताको अन्तिम स्पर्धा बैशाख ३ गते काठमाडौंमा आयोजना हुँदैछ । विभिन्न चरणबाट छानिएका अन्तिम ३६ प्रतियोगी फाइनलमा शिर्ष उपाधिका लागि भिड्दैछन् ।
एक्सपोज नेपालले आयोजना गर्दै आएको यो प्रतियोगिता यस वर्षबाट नेक्स्ट मोडल्स नेपालले गर्ने भएको हो । प्रतियोगीतामा काठमाडौबाट एलिस गिरी, स्वराज श्रेष्ठ, रोनिस खड्गी, प्रसन्न राई, श्रृजन पाठक, काभ्रेबाट आकाश भैला, बिशाल महत, योगेश लामा तामाङ, जीवन गिरी, कपालिक खनालले भाग लिएका छन् ।
त्यस्तै विकाश गमाल मकवानपुर, प्रविन बिक गोर्खा, आयुष खड्का धनुषा, कुसल नहर्की धादिङ, समिप शाही कैलाली, आयुष ढकाल, नुतन श्रेष्ठ, बिशाल कटुवाल, सविन श्रेष्ठ मोरङ, ईश्वर बोगटी, प्रकाश श्रेष्ठ सिन्धुपाल्चोक, खिमराज शर्मा, सुरज आले बाँके, रुपेश महतो ललितपुर, रुपेश दाहाल, मानस कुमार राई ओखलढुङ्गा, डा. नरोतम तिवारी, प्रेम चन्द्र मण्डल पर्सा, प्रसिद्ध खाँड रुपन्देही, संजया पनेरु, डा.सुनिल खरेल चितवन, नविन श्रेष्ठ नुवाकोट, अभिषेक चुडाल झापा, कैलास रावल कैलाली, दीपेन्द्र कुमार शर्मा सर्लाही रहेका छन् ।
यसपटक प्रतियोगीतामा डाक्टर, इन्जिनियर, अभिनेता लगायत ब्यक्तित्वको समेत सहभागीता रहेको छ । प्रतियोगीताको अन्तिम तयारी समेत पुरा भएको जानकारी नेक्स्ट मोडल्स नेपालकी कार्यकारी निर्देशक यतना पाण्डेले जानकारी दिइन् ।
अन्तिम प्रतिस्पर्धा लागि प्रतियोगीले फिजिकल फिटनेश, मोटिभेसन सेसन, स्टेज पफमेन्स, पब्लिक स्पिकिङ, कम्युनिकेसन स्क्रिल लगायतका बिभिन्न विषयमा प्रशान्त ताम्राकार, माल्भिका सुब्बा, रोजिन शाक्य लगायतबाट प्रशिक्षण लिएका छन् । प्रतियोगीताको कोरियोग्राफर प्रशान्त ताम्राकार हुन् ।
युवाहरुको व्यक्तित्व विकास, आत्मविश्वास अभिवृद्धि, क्षमता उजागर लगायत नेतृत्वदायी क्षमता विकास गर्ने उदेश्य रहेको प्रतियोगीतामा आफुमा मनपरेको प्रतियोगीलाई जिताउन नेपालबाट इसेवा मार्फत र संसारबाट ग्लोवल अनलाइन पेबाट मिष्टर नेपाल सर्च गरेर भोटिङ गर्न सकिनेछ ।
प्रतियोगिताको शीर्ष विजेताले ‘मिस्टर वल्ड २०२३’ नेपालको प्रतिनिधित्व गर्नुको अलवा ५ लाख नगदसहित विभिन्न ब्राण्डको ब्राण्ड एम्बेसर, फेस अफ ब्राण्ड, विज्ञापन, म्युजिक भिडियो र फिल्म अभिनय अवसर प्राप्त गर्ने आयोजकले जनाएको छ ।
