ब्युटी न्युज नेपाल
काठमाडौं, ११ चैत्र
चलचित्र ‘सम्झना–बिर्सना’ को प्रदर्शन मिति तय गरिएको छ । निमेष प्रधानको निर्देशनमा बनेको फिल्मलाई आगामी जेठ ६ गते रिलिज गरिने भएको छ । आदित्य प्रधान र रेविका प्रधान निर्माता रहेको फिल्ममा पूजा शर्मा र आकाश श्रेष्ठको जोडीका साथमा सुनील थापा,शिसिर राणा र छुल्ठिम गुरुङ प्रमुख भूमिकामा छन् ।
कोरोना महामारीका कारण प्रदर्शन हुन नपाएको फिल्म अब भने दर्शक माझ आउने तयारीमा जुटेको हो । निर्माण युनीटले फिल्मको नयाँ पोस्टरका साथमा प्रदर्शन मिति घोषणा गरेको हो । नयाँ पोस्टरमा पूजा र आकाशलाई रोमान्टिक मुडमा प्रस्तुत गरिएको छ ।
दार्जिलिङ,सिल्गुढी तथा सिक्कीमका रमणीय स्थानमा खिचिएको फिल्मलाई आरआर फिल्मस्ले बितरण गर्दैछ । निर्देशक निमेषकै कथा,पटकथा रहेको फिल्मको सम्वाद लेखनमा उनलाई अभिनेता शिसिर राणाले सघाएका छन् ।
शिब ढकालले खिचेको फिल्मका गीतमा राजन इशान र सुदर्शन तामाङको संगीत अनि कमल राईको कोरियोग्राफी छ । आदित्य फिल्म्स्को प्रस्तुति रहेको फिल्मको क्रिएटिभ हेड स्व.बिशारद बस्नेत हुन् ।
आफूहरुले गुणस्तरिय फिल्म निर्माणमा कुनै कसर बाँकी नराखेको निर्माता आदित्य बताउछन् । प्रेमी जोडीहरु बीच हुने बिबिध आरोह अबरोहलाई प्रस्तुत गरिएको बताइन् यो फिल्म सुटिङका क्रममा पूजा र आकाश बीच प्रेम झांङ्गीएको चर्चा चलेको थियो । यद्यपी,उनीहरुबीच अहिले उनीहरुबीचको सम्बन्ध सुमधुर नरहेको बताइन्छ ।
