ब्युटी न्युज नेपाल
काठमाडौँ, ६ चैत
चलचित्र ‘मन्त्र’को ट्रेलर सार्वजनिक गरिएको छ । चलचित्रका निर्देशक खिल बहादुर गुरुङ हुन् । सौगात मल्ल,बुद्दि तामाङ र दिया पुन, नमिता घिसिङ्ग,बिर बहादुर लामा, पासाङ्ग टि शेर्पाको पनि मुख्य भूमिका रहेको छ ।
काठमाडौँमा एक कार्यक्रमको आयोजना गरेर ट्रेलर सार्वजनिक गरिएको हो । आगामी बैशाख १६ बाट देशभरका सिनेमा हलमा यो चलचित्र प्रदर्शनमा आउनेछ ।
हिमाली भेगको सुन्दर दृश्यहरु कैद गरिएको चलचित्र एउटा अर्गानिक नेपाली चलचित्र बनेको छ । करिब ५१ सय मिटर भन्दा माथिको उचाइ मनास्लु हिमालको बेस क्याम सम्म पुगेर निकै नै मेहनतका साथ चलचित्रको छायाँकन गरिएको निर्देशक खिल बहादुर गुरुङले बताए ।
चलचित्र ट्रेलरले दर्शकलाई एक पटक हल सम्म तान्नेमा गुरुङ बिस्वस्त रहेका छन्। कार्यक्रममा बोल्दै अभिनेता सौगात मल्लले छायाँकनको क्रममा भएको रमाइलो अनुभव शेयर गरे। आफुले काम गरेको पछिल्लो चलचित्रहरु मध्येमा ’मन्त्र’ आफुलाई मन परेको चलचित्र भएको सौगातले बताए ।
चलचित्र गोरखाको मनास्लु क्षेत्र आसपासको कथाबस्तुलाई आधार बनाएर निर्माण गरिएको छ । मनास्लु क्षेत्रमा पहिलो पटक छायाँकन गरिएको चलचित्रका दृश्यहरुले दर्शकको मन जित्नेमा निर्माण पक्ष ढुक्क रहेको छ । गोर्खा जिल्लाको चुमनुब्री सामा गाउँ,बिरेन्द्र ताल र पुङ्गिन गुम्बा लगाएतका रमणीय दृश्यहरु कैद गरिएको छ ।
खिल बहादुर गुरुङ निर्देशित यो चलचित्रमा हिमाली भेगका युवा युवतीको प्रेम कथा समेटिएको छ । यस चलचित्र मार्फत सौगात र दिया पहिलो पटकसँगै प्रस्तुत हुँदैछन् । चलचित्रमा देबेन्द्र मानन्धर कार्यकारी निर्माता रहेको ‘मन्त्र’मा रविराज कार्की,सुरेश कार्की र सुभ श्रेष्ठको लगानी रहेको छ । राजेश जंगको सह निर्देशन रहेको चलचित्रमा सह निर्माताको रुपमा भिमसेन केसी र बिसेष सहयोगी अमृत थापा रहेका छन्। चलचित्रको डिजीटल राइट्स एट के एभरेस्ट मोसन पिक्चर्सले लिएको छ।
चलचित्रमा सन्तोष सुनारको संगीत, संजय लामाको छायांकन, मित्र डि गुरुङको सम्पादन,सुजिल कर्माचार्यको पार्श्व संगीत रहेको छ । चलचित्रको काठमाडौँ बाहिर एफडि कम्पनि र उपत्यकामा गोबिन्द शाहीले वितरणको जिम्मा लिएका छन्।
