ब्युटी न्युज नेपाल
काठमाडौं, २७ कात्तिक
काठमाडौंको रसियन कल्चर सेन्टरमा एक विशेष समारोहबीच सम्पन्न तेश्रो सगरमाथा म्युजिक अवार्ड २०७८ समारोहमा वरिष्ठ गायिका ज्ञानु राणालाई सगरमाथा लाइफटाइम अचिभमेन्ट अवार्डबाट सम्मानित गरिएको छ । उनलाई अवार्डसँगै १७ हजार ६९६ रुपैयाँ पनि प्रदान गरिएको छ ।
अर्थ नेपाल प्रालिको आयोजनामा भएको अवार्ड समारोहका प्रमुख अतिथि नेपाल पत्रकार महासंघका केन्द्रीय वरिष्ठ उपाध्यक्ष रमेश विष्ट, ज्योति विकास बैंकका सिओओ बलदेव थापा, कार्यक्रम प्रमुख पुरुषोत्तम बस्नेत, कार्यक्रम संयोजक मनोज थापाले उनलाई सम्मान गरेका हुन् ।
यस्तै कार्यक्रममा विदुर गिरीलाई सगरमाथा कला पत्रकारिता रजत सम्मान आठ हजार ८४८ रुपैयाँसहित सम्मान गरिएको थियो भने सगरमाथा कला पत्रकारिता सम्मान हिमालय टाइम्स दैनिकका कृष्ण भुसाल, ग्यालेक्सी टिभीका विष्णु सुवेदी, म्युजिक खबरका सुमन पण्डित र शिवराम भण्डारीलाई प्रदान गरिएको थियो ।
यस्तै गीतकार डब्बु क्षत्रीलाई सो कार्यक्रममा राष्ट्रिय गीतकार सम्मानबाट सम्मानित गरिएको छ । रसियन कल्चर कमलपोखरीमा सम्पनन सो कार्यक्रममा निशु कान्त झालाई राष्ट्रिय इभेन्ट डिरेक्टरको रुपमा सम्मानित गरियो । सो क्रममा कलाकारहरु रमिला न्यौपाने, प्रकाश दुतराज, लोकराज अधिकारी, सुरेन्द्र महर्जन, रञ्जना कार्की, दुर्गा काफ्ले, गोविन्द कँडेल, गीतकार माधवराज खरेल लगायतकालाई सम्मान गरियो ।
सोही कार्यक्रममा विभिन्न विधामा अवार्ड प्रदान गरियो । समारोहमा सर्वोत्कृष्ट राष्ट्रिय भाव गायक नितिन गजुरेललाई ‘म जन्मेको देश’बाट अवार्ड प्रदान गरिएको थियो भने ‘नेपाल आमा’गीतबाट टेक तमाङलाई गीतकारको अवार्ड प्रदान गरिएको थियो ।
यस्तै चलचित्रतर्फ सर्वोत्कृष्ट गायकमा निशान भट्टराई ‘मेरो माया के हो’ सर्वोत्कृष्ट गायिका जिना रसाइली ‘कुन मायाको साइनो’ सर्वोत्कृष्ट गीतकार अर्जुन भट्टराई ‘जीवन जात्रा हो’ र सर्वोत्कृष्ट संगीतकार दीपक शर्मालाई ‘माया जदो’बाट अवार्ड दिइएको थियो ।
यस्तै आधुनिक गीततर्फ सर्वोत्कृष्ट गायकमा कन्यैया सिंहले ‘जुन गीत सुनेर’, जुरीमा रामभक्त जोजिजुले ‘मायालाई ढाका पछ्यौरी’, पब्लिक च्वाइसमा कौशलराज खड्का ‘यति धेरै माया’बाट अवार्ड चुम्न सफल भए । त्यसैगरी सर्वोत्कृष्ट गायिकामा विद्या तिवारीले ‘तीन पाते’, जुरीमा मञ्जु थापाले ‘माया मुरी मुरी’बाट अवार्ड प्राप्त गर्न सफल भए ।
त्यस्तै सर्वोत्कृष्ट गीतकार पुरुषमा चन्द्रप्रसाईं परिस्कृतले ‘पुरानो घाउ’, जुरीमा भीष्मराज फुलाराले ‘म मरे भने’ र पब्लिक च्वाइसमा कमलराज केसीले ‘कसको मुटु कति दुख्छ’बाट अवार्ड प्राप्त गरे । यस्तै सर्वोत्कृष्ट गीतकार महिलामा पुष्पा खनाल ‘माया केवल’, डायस्पोरामा सावु रवि ‘अरूको बन्न सकिन’ले अवार्ड पाए ।
त्यसैगरी सर्वोत्कृष्ट नव गीतकारमा विवि थापा ‘क्षितिज’ले ‘जिन्दगीको लामो बाटो’बाट अवार्ड चुम्दा सर्वोकृष्ट संगीतकारको अवार्ड सन्तोष श्रेष्ठले ‘जुन गीत सुनेरबाट प्राप्त गर्नुभयो भने जुरीको अवार्ड सरोज कोइरालालाई ‘क्या बात’बाट दिइएको थियो ।
यस्तै पपमा गायक सचिन रौनियार, समीर आचार्य, गायिकामा उत्कृष्ट पप गायिका सिर्जना कार्की, पप गायिका पपुलर तर्फ सारिका घिमिरे, जुरी तर्फ एञ्जिला गौचन, उत्कृउष्ट गीतकारमा तारा अधिकारी, पपुलर तर्फ किरण घिमिरेसंगीतकारमा राजेन्द्र भट्टले अवार्ड प्राप्त गरे । त्यसैगरी पप/आधुनिकमा नवगायक आर्यन शाही ठकुरी, नवगायिका मिना कार्की, युगल गायन–गुणराज श्रेष्ठ र अस्मिता अधिकारी, अशोक बराल र सोनिका केसी, मोडल पुरुषमा सनम कठायत, महिलामा वर्षा सिवाकोटी, नवमोडल पुरुषमा दिनेश कठायत, जीवन संसार र नवमोडल महिलामा पूजा नाथ, निर्देशकमा अञ्जन शर्मा, छायांकारमा रवीन्द्र बराल, नवनिर्देशकमा दिनेश ठकुल्ला, सम्पादनमा दिप्सन शाह, बाद्यवादनमा सुनिल सिंह नेपाली, एरेञ्जरमा अमुल कार्की र इन्करेजमेन्टमा सुजल बमले अवार्ड उचाल्न सफल भए ।
त्यसैगरी लोक दोहोरीतर्फ गायनमा उत्कृष्ट गायक हरि गिरी, पपुलर गायक खेम सेञ्चुरी, उत्कृष्ट गायिका तृप्ती खड्का, पपुलर गायिका देवी घर्ती, उत्कृष्ट शब्दमा रविन लामिछाने, पपुलर अवार्ड सामाना शाह, लयमा रामु खड्का, नवगायकमा सीताराम परियार, नवगायिकामा सुमन थापा, जानुका तामाङले अवार्ड प्राप्त गरे ।
त्यस्तै प्रत्यक्ष दोहोरी गायकमा चिज गुरुङ, गायिकामा सपना रोक्का, मोडल महिला अभिनयमा उषा सुवेदी, मोडल महिला नृत्यमा रीना थापामगर, मोडल पुरुषमा महेन्द्र गौतम, नवमोडल महिलामा जुना गुरुङ, नव मोडल पुरुषमा राजेन्द्र मगर, छायांकारमा करण चैसिर, सम्पादनमा प्रकाश धमलामा निर्देशकमा विक्रम चौहान, नवनिर्देशकमा निशान बानियाँमा कोरियोग्राफरमा शम्भु शाही, एरेञ्जरमा विश्वास नेपाल, रेकर्डिष्टमा सुमन रानालाई अवार्ड प्रदान गरिएको थियो ।
त्यसैगरी सर्वोत्कृष्ट पप गीतकार जुरीमा होमराज श्रेष्ठ, मौलिक गायिका निर्मला थापामगर, पपुलर गायक रमेशराज भट्टराई र सर्वोत्कृष्ट म्युजिक भिडियोको अवार्ड सुधा मरहठ्ठालाई प्रदान गरिएको थियो । गीतसंगीत र सामाजिक र व्यवसाय क्षेत्रका विशिष्ट व्यक्तित्वहरूबाट स्रष्टा सर्जकलाई अवार्ड प्रदान गरिएको थियो ।
