ब्युटी न्युज नेपाल
काठमाडौं, २९ भदौ
नयाँ चलचित्र चिठ्ठीको निर्माण सुरु भएको छ । यो चलचित्रको सोमबार शुभमुहुर्त गरिएको छ । चलचित्रलाई माधव राज खरेलले निर्देशन गरिरहेका छन् । चलचित्रको लेखन पनि उनकै हो । यो चलचित्रको शुभमुहुर्त गरि दोलालघामा छायांकन सुरु गरिएको हो ।
यो चलचित्रमा संजित भण्डारी, श्रीदेव भट्टराई, नम्रता खरेल, शान्ति प्रिय, गोपाल ढकाल छन्दे, नवराज थापा,खड्ग बहादुर पुनमगर, मुस्कान लामा, पुष्कर राउत, अस्मिन कार्कीलगायतका कलाकारहरुको अभिनय रहने छ । चलचित्र चिठ्ठीको काभ्रे तथा काठमाडौं उपत्यकाका विभिन्न स्थानमा छायांकन गरिने भएको छ ।
निर्देशक खरेलका अनुसार यो चलचित्र कमेडि र थिरिलर जनामा बन्न लागेको छ । अहिले नेपाली चलचित्र बजारमा आइरहेको कथा बस्तु भन्दा केही फरक शन्देश बोकेको हुनाले यसलाई पक्कै पनि आम दर्शकहरुले मन पराउनेमा आफू बिस्वस्थ रहेको निर्देशक खरेलले बताए ।
चलचित्रमा जीवन पराजुली को छायांकन रहेको छ भने मेकअप नरेश खरेलको रहेको छ । पावर इन्टरनेशनल मिडिया नेपाल प्रा.लिको ब्यानरमा निर्माण हुनलागेको चलचित्र को निर्माता कमला जोशी हुन भने सह निर्मातामा राजन थापा रहेका छन् ।
