ब्युटी न्युज नेपाल
काठमाडौं, ११ भदौ
गायक बलबहादुर राजबंशी र गायिका अस्मिता अधिकारीले युगल स्वरमा नयाँ गीत ‘मन कि मन्जरी’ सार्वजनिक भएको छ । बलबहादुरकै सङ्गीत, उदयराज पौडेलको एरेञ्ज र रमेश मास्केको शब्द रहेको यो गीतको भिडियो सार्वजनिक भएको हो ।
निकेश खडकाको निर्देशन रहेको गीतको भिडियोमा राजकुमार अधिकारी क्षेत्री र गरिमा शर्माले अभिनय गरेका छन् । बुद्ध थापाको छायाँकन रहेको भिडियोमा विकास धमलाको सम्पादन रहेको छ । बलबहादुर द भोइस अफ नेपाल सिजन दुईको उत्कृष्ट नौमा पर्न सफल भएका थिए । अस्मिता नेपाल आइडल सिजन दुईको फाइनलिस्ट हुन् ।
बलबहादुरको यसअघि सार्वजनिक गीत ‘जेल पनि सहुँला…’लाई स्रोता/दर्शकले अत्यधिक मन पराएका थिए । ‘मेरा अन्य गीत जस्तै यो सार्वजनिक गीतलाई पनि स्रोता÷दर्शकले माया गरिदिनेमा आशावादी रहेको छु’, बलबहादुरले भने ।
