ब्युटी न्युज नेपाल
काठमाडौं, ४ साउन
गायिका अनिता चलाउने सहित पाँच जना गायिकाको स्वरमा तिज भाका जीन्दगी दुई दिनको घाम…को भिडियो बजारमा आएको छ । यो गीतलाई गायिकाहरु अनिता सहित एलिना चौहान, रचना रिमाल, समीक्षा अधिकारी र बेनिशा पौडेलले गायका हुन् । गीतलाई दीपक शर्माले लेखेका हुन् । जसमा संगीत पनि दीपककै रहेको छ ।
गीतको भिडियोमा पनि यी पाँच जना गायिकाहरु नै नायिकाको रुपमा प्रस्तुत भएका छन् । गीतको भिडियोमा यी पाँच गायिकासँगै पहिलो मिस नेपाल रबी राणा शाह र निश्मा घिमिरेको पनि नृत्य रहेको छ । निश्माले यसमा केटाको भूमिका निर्वाह गरेकी छिन् ।
भिडियोलाई नवराज उप्रेतीले खिचेको हुन् । जसमा नविन निरौलाको सम्पादन तथा रँग सँयोजन रहेको छ । यो गीतको भिडियो निर्देशन गम्भिर बिष्टले गरेका हुन् । जसमा सुवोल थापाको कोरियोग्राफी रहेको छ । यो गीतमा नारीको सुन्दरता र जोवनको चर्चा गरिएको छ । मुतल तीजमा कसरी राम्ररी बन्ने भन्ने चर्चा यसमा गरिएको छ । गीतलाई दर्शकले रुचाएको गायिका अनिताले ब्युटी न्युज नेपाललाई बताएकी छिन् ।
