ब्युटी न्युज नेपाल
काठमाडौं, १७ असार
आज बिहिबार थप २ हजार ७६० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा मुलुकमा ७ हजार १३० जनामा पीसीआर परीक्षण गर्दा १ हजार ८५७ जना र ३ हजार ८५५ जनाको एन्टिजेन परीक्षणमा ९०३ जना गरी २ हजार ७३० जनामा संक्रमण पुष्टि भएको हो । हालसम्म योसँगै नेपालमा कोरोना संक्रमितको कुल संख्या ६ लाख ४० हजार ६६२ पुगेको छ । जस मध्य सक्रिय संक्रमितको संख्या ३१ हजार ३६८ जना रहेको छ ।
यस्तै पछिल्लो २४ घण्टामा कोरोना भाइरस संक्रमणमुक्त हुनेको संख्या ४ हजार १७ रहेको छ । यो सँगै नेपालमा हालसम्म कोरोना सँक्रमण मुक्त हुनेको सँख्या ६ लाख १४९ जना पुगेको छ ।
यस्तै पछिल्लो २४ घण्टामा कोरोना सँक्रमणबाट ३३ जनाको निधन भएको छ । यो सँगै हालसम्म कोरोनाबाट मृत्यु हुनेको सँख्या ९ हजार १४५ जना पुगेको पनि स्वास्थ्य तथा जनसँख्या मन्त्रालयले जनाएको छ ।
