ब्युटी न्युज नेपाल
काठमाडौं, १३ असार,
नेपालमा आज आईतबार थप १ हजार ९२० जनामा कोरोना भाइरस संक्रमण पुष्टी भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न ल्यावमा गरिएको ६ हजार जनामा गरिएको पीसीआर परीक्षणमा १ हजार ३५३ र ३ हजार ८३६ जनामा गरिएको एन्टिजेन परीक्षणमा ५६७ जना गरी १ हजार ९२० जनामा संक्रमण पुष्टि भएको हो ।
संक्रमितमध्ये काठमाडौं उपत्यकमा ४२४ जना रहेका छन् । जसमा काठमाडौं जिल्लामा २९२, ललितपुरमा १०० र भक्तपुरमा ३२ जना रहेका छन् । नेपालमा हालसम्म ६ लाख ६५ हजार ७७७ जनामा कोरोना भाइरस संक्रमण भएका छन् ।
पछिल्लो २४ घण्टामा ३ हजार ७ जना कोरोना भाइरस संक्रमणमुक्त भएका छन् । योसँगै हालसम्म नेपालमा ५ लाख ८४ हजार ३३४ जना कोरोनाको संक्रमणमुक्त भएका छन् ।
यस्तै पछिल्लो २४ घन्टामा कोरोना संक्रमणका कारण ३४ जनाको मृत्यु भएको छ । यो सँगै कोरोनाबाट हालसम्म मृत्यु हुनेको सँख्या ९ हजार ९ जना पुगेको छ ।
