ब्युटी न्युज नोपल
काठमाडौं २९ जेठ,
नेपालमा आज शनिबार ३ हजार ३८४ जनामा कोरोना भाइरस (कोभिड–१९) संक्रमण पुष्टि भएको छ । स्वस्थ्य तथा जनसँख्या मन्त्रालयका अनुसार पछिल्लो २४ घन्टामा देशभर थप ८ हजार ५०६ नमुनाको पीसीआर परीक्षण गर्दा २ हजार ३८२ र ५ हजार ९८८ जनाको एन्टिजेन परीक्षण गर्दा १ हजार २ जना गरी कुल १४ हजार ४९४ नमुना परीक्षणमा ३ हजार ३८४ जनामा कोरोना संक्रमण पुष्टी भएको हो । देखिएको हो । यो समेत नेपालमा कोरोना संक्रमितको कुल संख्या ६ लाख ६ हजार ७७८ पुगेको छ ।
यस्तै पछिल्लो २४ घण्टामा नेपालमा ६ हजार २९५ जना कोरोना संक्रमणमुक्त भएका छन् । योसँगै नेपालमा कोरोना सँक्रमण मुक्त हुनेको सँख्या ५ लाख २७ हजार १११ जना पुगेको छ ।
यस्तै मन्त्रालयका अनुसार कोरोना संक्रमणबाट थप ६१ जनाको मृत्यु भएको छ । यो सँगै हालसम्म कोरोनाबाट ८ हजार ३६६ जनाको मृत्यु भएको छ । यतीबेला देशभर सक्रिय संक्रमितको संख्या ७१ हजार ३०१ रहेको छ । उनीहरुमध्ये ६५ हजार ९५३ जना होम आइसोलेसनमा रहेका छन् भने ५ हजार ३४८ जना संस्थागत आइसोलेसनमा रहेका छन् । जसमध्ये १ हजार २०६ जनाको आईसीयू र ३७३ जनाको भेन्टिलेटरमा उपचार भइरहेको छ ।
