ब्युटी न्युज नेपाल
काठमाडौं, २२ जेठ,
नेपालमा आज शनिबार थप थप ५ हजार ४२ जनामा कोरोना संक्रमण पुष्टि भएको छ । स्वस्थ्य तथा जनसँख्या मन्त्रालयका अनुसार पछिल्लो २४ घन्टामा देशभरको १६ हजार ८१४ जनाको पिसिआर परिक्षणमा थप ५ हजार ४२ जनामा कोरोना संक्रमण पुष्टि भएको हो । योसँगै नेपालमा हालसम्म कोरोना सँक्रमितको सँख्या ५ लाख ९८ हजार २०४ जना पुगेको छ ।
यस्तै पछिल्लो २४ घन्टामा देशभर ८ हजार २४३ जना कोरोना संक्रमणमुक्त भएका छन् । यो सँगै हालसम्म कोरोना सँक्रमणबाट मुक्त हुनेको सँख्या ४ लाख ८४ हजार ३७३ जना पुगेको छ ।
यस्तै पछिल्लो २४ घण्टामा देशभर कोरोना संक्रमणबाट थप ६८ जनाको मृत्यु भएको पनि स्वास्थ्य तथा जनसंख्या मन्त्रालयले जनाएको छ । योसँगै नेपालमा हालसम्म कोरोना सँक्रमणबाट मृत्यु हुनेको सँख्या ७ हजार ७९९ जना पुगेको छ ।
