ब्युटी न्युज नेपाल
बुटबल, १७ जेठ
एमाले छाडेर केही महिना अघि काँग्रेसमा प्रवेश गरेका दृगनारायण पाण्डेयले लुम्बिनी प्रदेशको राष्ट्रिय सभा उपनिर्वाचनमा एमालेका उम्मेदवारलाई हराउँदै आज उनी बिजयी भएका छन् । सो चुनावमा सत्तारुढ एमालेका उम्मेदवार चन्द्रबहादुर खड्काले हारेका हुन् । हालै माओबादी छाडेर एमालेमा प्रवेश गरेका खड्काले यतीबेला पराजय भोग्दा लुम्बिनी प्रदेशको सरकारको बहुमत खोसिने सम्भावना बढेको छ ।
प्रधानमन्त्री केपी शर्मा ओलीले यताबाट एक सिट घाटा भएको छ । यस अघि बागमती प्रदेशको राष्ट्रिय सभा साँसदमा रामबहादुर थापा बादलले हार्दा उनले त्यहाँ पनि एक सिट गुमाउनु परेको थियो ।
पाण्डेयले प्रदेशसभातर्फ ४२ र स्थानीय तहतर्फ ११८ जनाको मत पाएका छन् । खड्काले प्रदेशसभातर्फ ४० र स्थानीय तहतर्फ ९४ जनाको मत पाएका प्रदेश निर्वाचन कार्यालयले जनाएको छ ।
कांग्रेससहित नेकपा माओवादी केन्द्र, जनता समाजवादी पार्टी, राष्ट्रिय जनमोर्चाको समर्थन पाण्डेयले पाएका थिए । निर्वाचनमा प्रदेशसभा सदस्य ८३ र स्थानीय तहका प्रमुख र उपप्रमुख २१३ गरी २९६ मत खसेको थियो । प्रदेशसभा र स्थानीय तहतर्फका १/१ मत बदर भएको थियो ।
