ब्युटी न्युज नेपाल
काठमाडौं, १४ जेठ
नेपालमा आज शुक्रबार ६ हजार ९५१ जनामा संक्रमण पुष्टि भएको छ । स्वास्थ्य तथा जनसँख्या मन्त्रालयका अनुसार पछिल्लो २४ घन्टामा १९ हजार ३१३ पीसीआर परीक्षणमा ६ हजार ८५५ र ७९७ एन्टिजेन परीक्षणमा ९६ जना गरी ६ हजार ९५१ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ५ लाख ४९ हजार १११ पुगेको छ । सक्रिय संक्रमितको संख्या १ लाख १३ हजार ३९४ मा झरेको छ ।
यस्तै पछिल्लो २४ घण्टामा कोरोना भाइरस संक्रमणमुक्त हुनेको संख्या ९ हजार ८४१ पुगेको छ । यती धेरै सँक्रमित एकै दिनमा निको भएको यो अहिलो रेकर्ड नेपालमा हो । यो सँगै नेपालमा कोरोना सँक्रमण मुक्त हुनेको सँख्या पनि ४ लाख २८ हजार ६७० जना पुगेको स्वास्थ्य तथा जनसंख्या मन्त्रालयले जनाएको छ ।
सो मन्त्रालयका अनुसार मृतक संख्या पनि आज घटेर १०० भन्दा तल झरेको छ । पछिल्लो २४ घण्टामा कोरोना संक्रमणबाट ९६ जनाको मृत्यु भएको छ । यो सँगै कोरोनाबाट हालसम्म मृत्यु हुनेको सँख्या ७ हजार ४७ जना पुगेको छ ।
