आज ६७१४ जना सँक्रमित हुँदा ६७१६ जनाले कोरोना जिते, थप १४५ जनाको मृत्यु

ब्युटी न्युज नेपाल
काठमाडौं, १२ जेठ,

बुधबार बल्ल कोरोना सँक्रमितको सँख्या भन्दा कोरोना मुक्त हुनेको सँख्या बढेको छ । बुधबार थप ६ हजार ७१४ जनामा कोरोना सँक्रमण देखिएको छ । जसकी पछिल्लो २४ घन्टामा ६ हजार ७१६ जना सँक्रमितले कोरोनालाई जितेका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा देशभरका प्रयोगशालामा १९ हजार ३० नमुनाको पीसीआर टेष्ट गर्दा ६ हजार ६७७ जना र ३२२ एन्टिजेन टेष्टमा ३७ जना गरी जम्मा ६ हजार ७१४ जनामा कोरोना संक्रमण पुष्टि भएको छ । यो सँगै नेपालमा हालसम्म ५ लाख ३५ हजार ५२५ जना सँक्रमित भईसकेका छन् । यी मध्यबाट हालसम्म ४ लाख ११ हजार ६०३ जना कोरोना मुक्त भएका छन् । यससँगै देशभरमा संक्रिय संक्रमितको संख्या १ लाख १७ हजार ७७ पुगेको छ ।

जसमध्ये काठमाडौं उपत्यकामा १४९३ संक्रमित थपिएका छन् । तिनीहरुमध्ये काठमाडौंमा ११३९, ललितपुरमा २४१ र भक्तपुरमा ११३ जना छन् ।

पछिल्लो २४ घण्टामा कोरोना सँक्रमणबाट १४५ जनाको मृत्यु भएको छ । यससँगै नेपालमा कोरोनाबाट मृत्यु हुनेको संख्या ६ हजार ८४५ पुगेको छ ।