ब्युटी न्युज नेपाल
काठमाडौं २९ चैत
गायिका तथा मोडल, पत्रकार सरिता भारतीले आफ्नो जन्म दिन दुई वटा अनाथ आश्रम पुगेर त्यहाँका बालबालिकासँग मनाएकी छिन् । हास्य अभिनेता सुलेमान शँकर (इकु)ले काठमाडौंको मुलपानीमा सञ्चालन गरेको स्नेह आश्रममा आश्रित १४ जना बालबालिकासँग गायिका सरिता भारतीले आईतबार आफ्नो जन्मदिन मनाएकी छिन् ।
उनले आईतबार नै आफ्नो जन्म दिन मुलपानीमा रहेको इकुको बाल आश्रमसँगै गोकर्णमा रहेको सँयुक्त अपाँग एकता आवाज केन्द्र सम्म पुगेर त्यहाँका बालबालिकासँग मनाएकी हुन् । यी दुबै आश्रममा रहेका बालबालिकालाई खाना खुवाएर उनीहरुसँग गीत गाउँदै नाच्दै रमाईलो गरेर गायिका सरिताले आफ्नो जन्म दिन मनाईन् ।
गायिका सरिताले यस अघि बिगत चार वर्षदेखि काठमाडौंको किर्तिपुर स्थित मायाघर र किर्तिपुरकै एचआईभी सँक्रमित बालबालिका आश्रमका बालबालिकासँग आफ्नो जन्मदिन मनाएकी थिईन् । आईतबार भने उनले स्नेह आश्रमका १४ जना बालबालिका र सँयुक्त अपाँग केन्द्रका ४५ जना बालबालिकासँग आफ्नो जन्म दिन मनाएकी हुन् ।
यी दुबै आश्रमका बालबालिकालाई खाना खुवाउँदै उनले आर्थिक सहयोग पनि गरेकी छिन् । दुबै आश्रमका बालबालिकालाई उनले आफ्ना केही गीतहरु पनि सुनाईन् । त्यहाँ रहेका बालबालिकाहरुले पनि गायिका सरितासँग विभिन्न गीतहरु प्रस्तुत गरेर रमाईलो गरे ।
कोरोना सँक्रमण र लकडाउनका कारण आश्रम चलाउन गाह्रो परेको बेला गायिका सारिताले एक छाक खाना खुवाएर आर्थिक सहयोग गर्दा आफुलाई केही राहत भएको हास्य अभिनेता शुलेमान शँकर (इकु)ले ब्युटी न्युज नेपाललाई बताए ।
यस्तै सँयुक्त अपाँग केन्द्रका सञ्चालक तिलबहादुर कार्कीले पनि सरितालाई जन्मदिनको बधाई ज्ञापन गर्दै बालबालिकाहरुलाई खाना खुवाएर आफ्नो जन्मदिन मनाएकोमा खुसी व्यक्त गरे । यसैगरी आरुलाई पनि आफ्नो जन्मदिन त्यहाँका बालबालिकासँग मनाउन उनले अनुरोध गरे ।
जन्म दिनको पार्टीमा हुने अनाबस्यक फजुल खर्च काटेर आफुले हरेक वर्ष यसरी नै अनाथ बालबालिकाहरुसँग जन्मदिन मनाउने गरेको गायिका सरिता भारतीले बताईन् । गायनमा सक्रिय सरिताको दुई वटा नयाँ गीतको भिडियो चाँडै रिलिज हुँदैछ ।
