ब्युटी न्युज नेपाल
काठमाडौं, २८ फागुन
पछिल्लो समयका चर्चित म्युजिक भिडियो निर्देशक बिधान कार्कीले आफ्नो निर्देशनमा नयाँ म्युजिक भिडियो आज सार्वजनिक गरेका छन् । गायक प्रदिप कार्की र गायिका बेनिशा पौडेलको स्वरमा समावेश ‘सुनै सुनको तिलहरी’ बोलको गीतको भिडियो आफ्नो निर्देशनमा तयार गरेर उनले शुक्रबार सार्वजनिक गरेका हुन् । यो गीतमा दीपक शर्माको शब्द तथा संगीत छ ।
सार्वजनिक भएको भिडियोमा नायक आकाश श्रेष्ठ र मोडल उषा उप्रेतीले अभिनय गरेका छन् । चलचित्र छायाँकन नहुँदा पछिल्लो समय आकाश पनि भिडियोमा व्यस्त हुन थालेका छन् । यस्तै यो भिडियोमा उषा र आकाशको जोडी निकै सुहाएको छ । आकाशको नृत्य यसमा निकै राम्रो छ ।
भिडियोलाई निर्देशक विधान कार्कीले निकै आकर्षक बनाएका छन् । पछिल्लो समय राम्रो भिडियो बनाउने निर्देशकका रुपमा परिचित विधानले यो भिडियोलाई पनि राम्रो बनाउन कुनै कसर बाँकी राखेका छैनन् ।
यो नयाँ गीतको भिडियोमा हरि हुमागाँइको छायाँकन रहेको छ । भिडियोलाई मनिष थापाको कोरियोग्राफी गरेका हुन् । जसमा विकास दाहालको सम्पादन छ ।
