ब्युटी न्युज नेपाल
काठमाडौं, २३ पुष
कोरियोग्राफिर तथा निर्देशक माईकल चन्द पछिल्लो समय भिडियो निर्देशनमा व्यस्त देखिन थालेका छन् । उनको निर्देशनमा नयाँ गीत जनकपुरे रेल…को भिडियो यतीबेला बजारमा आएको छ । यो गीतलाई गायक अनिल जोशी र गायिका अस्मिता अधिकारीले गायका हुन् । गीत निकै मिठो बनेको छ । गीतको मेलोडीमा र्यापले केही अबरोध गरेको प्रतिक्रिया पनि नआएको हैन । तर केहीले र्यापलाई पनि मन पराएका छन् ।
यो गीतलाई जोशीले नै लेखेका हुन् । गीतमा जोशी र र्यापर जगत तिरुवाले संयुक्त रुपमा संगीत दिएका छन् । जसमा मोहित मुनालले संगीत संयोजन रहेको छ । यो गीतमा जगत तिरुवाको र्यापर राखिएको छ । भिडियोमा माइकल स्टेप–अप आर्ट एकेडेमीको करियोग्राफी रहेको छ ।
यो गीतको भिडियो ‘सेभेन इलाभेन म्युजिक फ्याक्ट्री’ को युट्युब च्यानलबाट रिलिज गरिएको छ । भिडियोलाई निर्देशक माईकलले निकै आकर्षक बनाएका छन् । पछिल्लो समय माईकलको निर्देशनमा तयार भएको भिडियोमा सरोज अधिकारी र आश्मा विकको जोडीलाई देख्न पाईन्छ । जनकपुरे रेल गीतको भिडियोमा पनि सरोज र आश्माको नृत्य निकै आकर्षक बनेको छ । उनीहरुलाई माईकलले निकै फरक शैलीमा प्रस्तुत गरेका छन् । प्राय एकै प्रकारको नृत्य प्रस्तुत गर्ने यी जोडीलाई माईकलले केही फरक प्रस्तुतिमा उतारेका छन् । सोही कारण पनि भिडियो राम्रो बनेको छ ।
उत्सव दाहालले खिचेको भिडियोमा शिलन लम्सालको सम्पादन तथा कलर रहेको छ । भिडियोको निर्माता नवराज शर्मा हुन् । यो भिडियो ‘सेभेन इलाभेन म्युजिक फ्याक्ट्री’को प्रस्तुतीमा निर्माण भएको हो ।
