ब्युटी न्युज नेपाल
काठमाडौं, ८ पुष
सडक डिभिजन कार्यालय तनहुँका इन्जिनियर विष्णुप्रसाद पाण्डेले लेखेको गीत यो कस्तो प्रेम…श्रोता दर्शकमाझ आएको छ । लामो समय देखि गीत लेखनमा लागे पनि पाण्डेको रेकर्ड भएको यो पहिलो गीत हो । नेपाली चर्चित गायिका निशा देसारको स्वरमा यो गीत रहेको छ । गजल गायन मार्फत चर्चामा आएकी निशाले यस पटक यो कस्तो प्रेम गीतलाई पनि त्यत्तिकै माधुर्य स्वरमा गाएकी छन् ।
यो गीतमा सुरेश गैरेको संगीत रहेको छ । संगीतकार गैरे सुरेशको संगीत र चर्चित गायीका निशा देशारको स्वरले गीतलाई जीवन्त बनाएको छ ।
अझ म्युजिक भिडियोको कथाले रौनक थपिदिएको छ । गीतमा आफ्नो विश्वासिलो मायामाथि प्रेमीले धोका दिएपछिको अवस्थालाई उजागर गरिएको छ ।
गीतको भिडियोमा महेश वाग्ले, ममता अधिकारी र सोनिया जोशीले अभिनय गरेका छन् । सुदिप पौडेलद्वारा निर्देशित भिडियोको सम्पादन सुवास अमगाइँले गरेका हुन् ।
