ब्युटी न्युज नेपाल
काठमाडौं, ७ पुष
सुनिल कटुवाल र समीक्षा अभिकारीको स्वरमा नयाँ गीत केटो अली कमाउने होस…को भिडियो बजारमा आएको छ । यो गीतको भिडियोलाई यतीबेला दर्शकले रुचाएका छन् ।
गीत लेखनमा आफ्नो छुट्टै परिचय बनाएका गीतका दिग्गज धरौलीले यो गीत लेखेका हुन् । संख्यात्मक भन्दा पनि गुणात्मक सृजना गर्न रुचाउने उनका दर्जनौं गीतहरू लोकप्रिय छन् । उनको नयाँ गीत केटो अली कमाउने होस्लाई पनि अहिले दर्शकले रुचाएका हुन् ।
यो गीतमा संगीत अर्जुन पोखरेलले दिएका छन् । गीतलाई संगीतकारण माधुर्य बनाएका छन् । जसमा सुनिल र समीक्षाको स्वर निकै मिठास बनेको छ । यो गीत मार्फत प्रेमिल जोडीको प्रेमकथालाई सर्जक धरौलीले गीतमा उतारेका छन् ।
डान्सिङ शैलीको यो गीतले सुन्ने जोकोहीको ध्यान केन्द्रित गर्ने गर्छ । सोही कारण युटुब लगायत टिकटकमा पनि एकदमै रुचाइएको छ। दर्शक स्रोताको राम्रो राम्रो कमेन्ट युटुबमा देख्न सकिन्छ ।
यो गीतको भिडियो निर्देशक विधान कार्की हुन् । कार्की पनि पछिल्लो समय भिडियोमा निकै जमेका छन् । उनका एकपछि अर्को हिट भिडियो आईरहेको छ । भिडियोमा सुधिर श्रेष्ठ , श्रेया सिटौला, अजय रेग्मी र अस्मिता अधिकारी फिचर्ड छन् । उत्सव दाहालले आकर्षक फ्रेममा खिचेको भिडियोलाई विकास दाहालले सम्पादन गरेका हुन् । गीतको भिडियो विशाल इन्टरटेन्मेन्टको अफिसियल युटुब च्यानलबाट रिलिज गरिएको हो ।
