ब्युटी न्युज नेपाल
काठमाडौं, ३० कात्तिक,
तिहार पर्वका कारण पिसिआर थोरै परिक्षण हुँदा कोरोना सँक्रमितको सँख्या पनि हिजो, अस्तीको भन्दा आज काम देखिएको छ । आज आईतबार १ हजार ४७७ जनामा कोरोना भाइरस संक्रमण पुष्टि भएको स्वास्थ्य तथा जनसँख्या मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ४७६ जनामा परीक्षण गर्दा १ हजार ४७७ जनामा संक्रमण पुष्टि भएको हो । योसँगै नेपालमा कोरोना संक्रमितको कुल संख्या २ लाख ९ हजार ७७६ पुगेको छ ।
यसै गरी पछिल्लो २४ घण्टामा कोरोना भाइरस संक्रमण मुक्त हुनेको संख्या २७९८ जना रहेको छ । यो सँगै हालसम्म नेपालमा संक्रमणमुक्त हुनेको कुल संख्या १ लाख ७३ हजार ४३० जना पुगेको छ ।
यस्तै यतीबेला मुलुकका विभिन्न क्वारेन्टाईनमा १हजार २१ जना रहेका छन् । देशका विभिन्न आईसोलेसनमा यतीबेला ३५ हजार १२५ जना सक्रिय विरामीहरु कोरोनाको उपचारमा छन् ।
पछिल्लो २४ घन्टामा नेपालमा कोरोनाबाट थप ६ जनाको मृत्यु भएको छ । यो सँगै नेपालमा हालसम्म कोरोनाबाट मृत्यु हुनेको सँख्या १ हजार २२१ जना पुगेको छन् ।
