ब्युटी न्युज नेपाल
काठमाडौं, २२ कात्तिक
प्राज्ञ तथा अग्रज लोक गायिका पवित्रा घर्ती मगरले आफ्नो स्वरमा नयाँ गीत चोली ढाकाले… बजारमा ल्याएकी छिन् । बिगत दुई दशक भन्दा लामो समय देखि लोक गायनमा सक्रिय पवित्राले केही समय यताबाट समसामयिक मायाँ प्रेममा आधारित लोक गीतहरु बजारमा ल्याउने गरेकी छिन् ।
यो गीतमा यी गायिकालाई गायक बिबेकमान रोका मगरले साथ दिएका छन् । जसमा देविराम रानामगर, युवराज बुढाथोकी, चन्दा चलाउने, तीला थापा, गरञ्ज मगर, धना धर्तीमगरको स्वर पनि रहेको छ । जसमा शब्द र संगीत पनि पवित्रा घर्ती मगरको रहेको छ । यो गीतलाई आशिष अबिरलले संगीत संयोजन गरेका हुन् ।
यो गीतको भिडियोलाई टुल्की पवित्रा क्रियसनबाट रिलिज गरिएको छ । भिडियोलाई छायांकन दुर्गा पौडेलले गरेका हुन् । यो गीतको भिडिायो निर्देशन प्रकाश भट्टले गरेका हुन् । यो गीतलाई उनले तिहारको अबसर पारेर यतीबेला रिलिज गरेकी हुन् । यो गीतको भिडियोमा मोडल अन्जली अधिकारी र चक्र बमले मोडलिङ गरेका छन् ।
