ब्युटी न्युज नेपाल
काठमाडौं, २० कात्तिक
एकपछि अर्को गीत ल्याईरहेका गायक सञ्जिव पराजुलीको यतीबेला नयाँ गीत ‘यसरी नहेर मलाई…’को भिडियो सार्वजनिक भएको छ । गीतमा होमनाथ न्यौपानेको शब्द, सचिन सिंहको संगीत तथा गोपाल रसाइलीको संगीत संयोजना रहेको छ ।
गायक पराजुलीका ‘कर्के नजर’, ‘नाइँ मलाई थाहा छैन’, ‘पहिलो भेटैमा’, ‘हिट हिट गीत’, ‘छैन मलाई पीर’, ‘झिलमिल झिलमिल’, ‘त्यो सपना’, ‘तिमी मलाई मन पर्छ’, ‘चाहनामा’ गीत रुचाइएका गीतमा पर्छन् ।
दी भ्वाइस अफ नेपालको स्टुडियोमा छायांकन गरिएको भिडियोमा गायक सञ्जिवले अभिनय गरेका छन् । भिडियोमा वाद्यवादकहरु कृपेश ढकाल, एलेक्स डी प्रसन्न, अदित मगर र विक्रम थापा पनि छन् ।
गीतले एक युवती प्रति एक युवकको प्रेमभावलाई व्यक्त गरेको छ । लक्ष्मण पौडेलले निर्देशन गरेको भिडियोमा अर्जुन तिवारीको छायांकन, सोहन मानन्धरको सम्पादन तथा रंग छ ।
