ब्युटी न्युज नेपाल
काठमाडौं, १९ कात्तिक
कलाकार तथा निर्देशक आदित्य बुढाथोकी गायकको रुपमा प्रस्तुत भएका छन् । उनी पछिल्लो समयमा म्यूजिक भिडियो निर्देशनमा व्यस्त छन् । आदित्य बुढाथोकीले आफ्नो स्वरमा नयाँ गीत ‘ए सानु…’को भिडियो सार्वजनिक गरेका छन् ।
यो गीतमा उनलाई महिला गायनतर्फ गायिका एलिना चौहानले साथ दिएकी छन् । गीतमा आदित्यकै संगीत, बिमला हुमागाईको शब्द तथा सुन्दर लामाको संगीत संयोजन रहेको छ ।
यो गीतको भिडियो धुलिखेलमा छायांकन गरिएको हो । भिडियोमा दिक्पाल कार्की र सुनिशा बजगाईसँगै सक्षम पुडासैनी र प्रिती गौतमी विश्वकर्माको अभिनय छ । बिमला हुमागाईं निर्माता रहेको भिडियोमा आदित्य बुढाथोकीकै निर्देशन छ । भिडियोमा अमरकृष्ण चन्द सहायक निर्देशक छन् ।
भिडियोमा मुकेश हुमागाईको छायांकन, पदम सुवेदीको सम्पादन, शिव बिकको कोरियोग्राफी छ । भिडियो बोध नलेज इन्टरटेनमेन्टको युट्युब च्यानलबाट सार्वजनिक गरिएको हो ।
