ब्युटी न्युज नेपाल
काठमाडौं, २७ असोज
गीतमा लामो समयदेखि अमेरिकामा रहँदै आएका गीतकार पदम विश्वकर्माको शब्दमा नयाँ गीत ‘सोच तिम्रो’ बजारमा आएको छ । गीतमा राज सिग्देलको स्वर छ । यस गीतको भिडियोलाई ओएसआर डिजिटलमार्फत सार्वजनिक गरिएको हो ।
गीतमा राम कार्कीको संगीत छ । संगीतकार रामले आफ्नो जीवनमा धेरै गीतमा संगीत भरेको र तीमध्ये मनले राम्रो भनेको लिष्टमा यो गीत पनि पर्ने बताए । यो गीत को भिडियोमा दीपक आचार्य र इष्टु कार्कीले अभिनय गरेका छन् । यस्तै मुना सिलवाल र प्रसन पोखरेललाई पनि देख्न सकिन्छ । कलाकार दीपक आचार्य नेपालको लोकप्रिय हाँस्य टेलिशृंखला ‘सक्कीगोनी’का कलाकार समेत हुन ।
सुरेश थापाले निर्देशन गरेको भिडियो सागर गौतमले खिचेका छन । भिडियो अभिनायक सेरचनले सम्पादन गरेका छन् । यस भिडियोका निर्देशक सुरेश थापा पनि हाँस्य टेलिशृंखला ‘भद्रगोलका’ निर्देशक हुन् ।
गीतकार पदमले लामो समयदेखि अमेरिकामै रहँदै विभिन्न गीतमा शब्द भर्दै एका छन् । उनले लेखेका गीत नेपाली गीतसंगीतको बजारमा छरिएका छन् । पदमले यस गीतलाई दर्शक तथा श्रोताले मन पराउनेमा विश्वास लिएका छन् ।
