ब्युटी न्युज नेपाल
काठमाडौं, २५ असोज
गायक निशान भट्टराई र गायिका विन्दु परियारको स्वरमा नयाँ गीत ‘चार कोठे मुट…’ को भिडियो रिलिज भएको छ । यो गीतको भिडियोलाई अहिले दर्शकले रुचाएका छन् ।
यो गीतको भिडियोलाई बुढासुब्बा डिजिटलको युट्युबबाट रिलिज गरिएको हो । गीतमा अनिश अधिकारीको शब्द तथा संगीत रहेको छ ।
जुना फिल्म्सको ब्यानरमा निर्माण भएको भिडियोमा बुद्धि तामाङ, सुधीर श्रेष्ठ, दीपक लामा, कालु लामा, राजु श्रेष्ठ, तुलसा भण्डारी, हरिकुमार श्रेष्ठ, शिव बरम, मोनालिसा खतिवडा, सबी डोटेल र रविन बखरेलले अभिनय गरेका छन् ।
भिडियोलाई रुपेश तामाङको निर्देशन गरेका हुन् । भिडियोमा दीर्घ खड्काको सम्पादन र ईश्वर सिन्केमानको छायांकन छ ।
