ब्युटी न्युज नेपाल
काठमाडौं, १७ भदौ,
युरिन सम्बन्धि समस्या लिएर मँगलबार बिहान नेपालको जेठो अस्पताल बीर अस्पताल पुगेका नुवाकोटाका रमेश बहादुर बस्नेतले परीक्षण नै नगरी त्यत्तिकै फर्कनु पर्यो । उनी जस्तै अरु थुप्रै विरामीले बुधबार बीर अस्पतालमा बहिरंग (ओपिडी) सेवा पाएनन् ।
सो अस्पतालको प्रशासनले कोरोनाको कारण देखाउँदै बुधबारबाट २ दिनसम्मको लागि बीर अस्पतालको ओपिडी सेवा बन्द गरेको छ । मंगलबार दिउँसो थप तीन जना बिरामी र १३ जना स्वास्थ्यकर्मी तथा कर्मचारी गरी १६ जनामा कोरोना संक्रमण देखिएको भन्दै प्रशासनले वीर अस्पतालको ओपीडी बन्द गरेको जनाएको छ । आकस्मिक र प्रशासनिक सेवा भने नियमित रुपमा सञ्चालन भईरहेको पनि जानकारी दिईएको छ ।
अहिलेसम्म १२ चिकित्सक, १२ नर्ससहित ७१ जना स्वास्थ्यकर्मी र कर्मचारीमा संक्रमण देखिएको अस्पतालका निर्देशक डा. केदार सेन्चुरीले बताए । उनका अनुसार निसंक्रमण र कन्ट्याक्ट टेसिङका लागि दुई दिन ओपिडी बन्द गर्ने निर्णय गरिएको हो ।
