ब्युटी न्युज नेपाल
काठमाडौं, २८ साउन
नेपालमा आज बुधबार थप ४८४ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घन्टामा देशभरका ल्याबमा १० हजार ४ सय ८१ जनाको परीक्षण गर्दा ४८४ जनामा कोरोना संक्रमण पुष्टी भएको हो ।
डा. गौतमका अनुसार योसँगै नेपालमा कोरोना संक्रमितको कुल संख्या २४ हजार ४३२ पुगेको छ ।
आज देशभरबाट कोरोनाबाट मुक्त भई ६४ जना डिस्चार्ज भएका छन् । यो सँगै आजसम्म कुल १६ हजार ७२८ जना कोरोना मुक्त भएर घर फर्किसकेका छन् ।
यतीबेला देशभरका आईसोलेसनमा ७ हजार ६१३ जना उपचाररत छन् । यस्तै विभिन्न क्वारेन्टाईनमा १४ हजार ८४६ जना रहेका पनि डा. गौतमले बताए ।
यस्तै पछिल्लो २४ घन्टामा कोरोना सँक्रमणबाट ८ जनाको मृत्यु भएको पनि डा. गौतमले बताएका छन् । योसँगै कोरोना सँक्रमणबाट मृतकको सँख्या ९१ जना पुगेको पनि डा. गौतमले बताए ।
