ब्युटी न्युज नेपाल
काठमाडौं, २१ साउन
काठमाडौं उपत्याकमा सरकारले भोलि बिहिबारबाट फेरी निजी तथा सार्वजनिक सवारी साधनमा जोर विजोर नम्बर प्रणाली लागू गर्ने निर्णय गरेको छ । अब जोर अँकको गतेमा जोर नम्बरको सवारी साधन र विजोर नम्बरको गतेमा बिरोज नम्बरको सवारी साधन काठमाडौंमा गुडन पाउने छन् ।
कोरोना भाइरस (कोभिड–१९) संक्रमण बढ्दै गएपछि जोखिम न्यूनीकरणका लागि भन्दै सरकारले भोलिदेखि जोर विजोरको नम्बर प्रणाली अनुसार सवारी साधन सञ्चालन गर्ने निर्णय गरेको छ । यस्तै काठमाडौंमा शहर भित्र बेलुका ९ बजेबाट बिहान ५ बजेसम्म निजी तथा भाडाका सवारी आबगमनलाई रोक्ने पनि सरकारले निर्णय गरेको छ ।
काठमाडौं उपत्यका र २०० जना भन्दा बढी सक्रिय कोरोना संक्रमित रहेको जिल्लाका सवारी साधन जोर विजोर प्रणाली लागू हुनेछ । अहिले काठमाडौंमा २०० जना भन्दा बढी सक्रिय सँक्रमित छन् ।
