ब्युटी न्युज नेपाल
गोरखा, २० असार
कोरोना सँक्रमण शुक्रबार पुष्टी भएपछि उपचारको लागि गोरखा अस्पतालमा भर्ना भएका एक पुरुषको शनिबार बिहान निधन भएको छ ।
पालुङटार नगरपालिका वडा नम्वर ७ का ४४ वर्षीय कोरोना संक्रमित पुरुषको शनिवार उपचारको क्रममा मृत्यु भएको हो ।
उनको शब ब्यस्थापन गर्न सुरक्षाकर्मीले जिम्मा लिएपछि आफन्तले शबको माग गरे । आफन्तसँग सहमती भएसँगै शबलाई दाहसँस्कार गर्ने स्थानको बिषयमा स्थानीयसँग बिबाद सुरु भयो । शनिबार ती पुरुषको निधन भएपछि उनको शबलाई नजिकको दरौंदी र लुदी खोलाको दोभानमा अन्तष्टी गर्ने तयारी भएको पनि प्रमुख जिल्ला अधिकारी पौडेलले बताएका छन् । सो स्थानमा अन्त्यष्टी गर्न पाईँदैन भन्दै स्थानीयले बिरोध जनाएका छन् ।
अन्तमा उनको शबलाई सुरक्षा निकायले सोही ठाउँमा नै अन्त्यष्टी गर्ने भएको छ । शव व्यवस्थापनको जिम्मा नेपाली सेनालाई दिइएको प्रमुख जिल्ला अधिकारी सुरेन्द्र पौडेलले बताए ।
उनी जीवनज्योती माविको क्वारेन्टिनमा बस्दै आएका थिए । असार १६ मा कतारबाट नेपाल आएका उनको स्वास्थ्यमा शुक्रबार समस्या देखिएपछि गोरखा अस्पतालमा भर्ना गरिएको हो ।
