ब्युटी न्युज नेपाल
काठमाडौं, ५ असार
नेपालमा आज शुक्रबार थप ४२६ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार पछिल्लो २४ घन्टामा ४२६ जनालाई कोरोना सँक्रमण पुष्टी भएको हो ।
जसमा ३३८ जना पुरुष र ८८ जना महिला रहेका छन् । योसँगै हालसम्म नेपालमा कोरोना संक्रमितको संख्या ८ हजार २ सय ७४ जना पुगेको छ ।
प्रा.डा. जागेश्वर गौतमका अनुसार शुक्रबार गुल्मीमा ९४ जना, बैतडीमा ६८ जना, कैलालीमा ४९ जना, बागलुङमा ३२ जना, सिन्धुपाल्चोकमा २१ जना, कञ्चनपुरमा २० जना, तनहुँमा १९ जना, डोटीमा १५ जना, गोरखा र सर्लाहीमा ११÷११ जना कोरोना संक्रमित भेटिएका छन् ।
त्यस्तै डडेल्धुरामा ९ जना, अछाम, कास्की, मकवानपुर र बाजुरा ८/८ जना, अर्घाखाँचीमा ६ जना, पर्वतमा ५ जना, नवलपरासी पूर्व कपिलवस्तु र सर्लाहीमा ४/४ जना, मोरङ, काठमाडौं, स्याङ्जा र बझाङमा ३/३ जना, उदयपुर र रुपन्देहीमा २/२ जना, झापा, सिन्धुली, चितवन, धादिङ र नवलपरासी पश्चिममा १/१ जना संक्रमित भेटिएका मन्त्रालयका प्रवक्ता डा. जागेश्वर गौतमले जानकारी दिए ।
शुक्रबार २ सय १६ जना डिस्चार्ज भएको पनि डा. गौतमले बताए । जसमा पुरुष २०७ र महिला ९ जना रहेका छन् । यो सहित नेपालमा कोरोना सँक्रमणबाट मुक्त भएर डिस्चार्ज हुनेको सँख्या १ हजार ४ सय २ जना पुगेको छ ।
