ब्युटी न्युज नेपाल
काठमाडौं, १४ जेठ
नेपालमा आज कोरोना सँक्रमित ११४ जना थपिएका छन् । एकै दिन कोरोना सँक्रमितको सँख्या १०० नाघेको आज पहिलो पटक हो । आज मध्यान्नसम्म ४५ जनामा सँक्रमित थपिएका थिए । दिउँसो फेरी ६९ जना सँक्रमित देखिएका हुन् । यो सँगै नेपालमा हालसम्म कोराना सँक्रमितको सँख्या ८८६ पुगेको स्वास्थ्य तथा जनसँख्या मन्त्रालयका प्रवक्ता डा. विकाश देवकोटाले बताएका छन् । संक्रमण देखिएकामध्ये पुरुष ७ सय ९६ र महिला ९० रहेका छन् ।
काठमाडौंको केन्द्रीय प्रयोगशालामा गरिएको परीक्षणमा ३८ जनामा संक्रमण पोजेटिभ देखिएको डा. देवकोटाले बताएका छन् । आज गरिएको परिक्षण अन्तर्गत धरानमा गरिएको स्वास्थ्य परीक्षणमा ११ जनामा कोरोना देखियो । सप्तरीका ३ जना, कोशी अस्पतालमा गरिएको परिक्षणमा झापाका १७ जना, हेटौंडाको प्रयोगशालामा गरिएको परीक्षणमा ८ जनामाको सँक्रमण पोजेटिभ देखिएको छ । आजै पोखराको प्रादेशिक प्रयोगशालामा गरिएको परिक्षणमा बागलुङका ६ जनामा कोरोना पोजेटिभ देखिएको छ ।, यस्तै दाङमा गरिएको परीक्षणमा १८ जनामा कोरोना सँक्रमण पोजेटिभ देखिएको छ ।
आज पुष्टी भएका कोरोना सँक्रमितहरुमा झापाका १७ जना, सप्तरीका ११ जना, मकवानपुर हेटौंडाका १, रौतहटका ३६, बागलुङका ६, रुकुमका ३, दाङका १५, बाँकेका १६, सिरहाका २, बाराका ७ जना रहेका प्रवक्ता डा विकास देवकोटाले बताएका छन् ।
