ब्युटी न्युज नेपाल
काठमाडौं, ७ जेठ
नेपालमा कोरोना सँक्रमित फेरी २५ जना थपिएका छन् । आज दिउँसोसम्म अरु २५ जना थपिँदा नेपालमा कोरोना सँक्रमितको सँख्या ४२७ जना पुगेको छ । जसमा पुरुष ३५८ जना र महिला ६९ जना रहेका छन् ।
पछिल्लो पटक सँक्रमित रहेकाहरुमा कपिलबस्तुका १३ जना, बाँकेका ६ जना, धनकुटाका ५ जना र पश्चिम नवलपरासीका १ जना रहेका छन् ।
स्वास्थ्य तथा जनसँख्या मन्त्रालयका प्रवक्ता डा. विकाश देवकोटाले बुधबार आयोजित पत्रकार सम्मेलनमा सो जानकारी गराएका हुन् । उनका अनुसार सँक्रमित सबैको स्वास्थ्य अबस्था सामान्य छ ।
कपिलबस्तु १३ जना सँक्रमित मध्य महाराजवगञ्जका ६ जना महिला, ४ जना पुरुष रहेका छन भने बिजयगञ्जका ३ जना पुरुष रहेका छन् ।
बाँकेका सँक्रमित ६ जना मध्ये नरैनापुरका ५ जना पुरुष र खजुराका १ जनापुरुष रहेका छन् ।
यस्तै धनकुटाका सँक्रमित धनकुटामा ५ जनामध्ये ४ जना पुरुष र १ जना महिला रहेका छन् । धनकुटामा तीन दिन अघि एकजना नर्समा कोरोना सँक्रमण देखिएको थियो । त्यसपछि त्यहाँ स्वाब सँकलनसँगै गरिएको परिक्षणमा ५ जनामा कोरोना दनेखिएको हो ।
यस्तै रुपन्देहीको क्रिमसन अस्पतालमा उपचाई भईरहेका गुल्मीका पुरुष अहिले पनि भेन्टिलेटरमा रहेका र उनको मृत्यु सम्बन्धि समाचार भ्रामक भएको पनि प्रवक्त देवकोटाले बताए । ती पुरुषमा सोमबार कोरोना सँक्रमण देखिएको थियो । उनको निधन भएको समाचार आज बिहान अस्पतालबाट बाहिरिएको थियो ।
