ब्युटी न्युज नेपाल
काठमाडौं, १५ माघ
चलचित्रमा तक्मे बुढोको रुपमा पौढ कलाकारको भूमिकामा देखिँदै आए पनि हास्य अभिनेता विल्सन विक्रम राई भरखर पहिलो सन्तानको पीता बनेको छन् । उनलाई बुधबार पुत्रलाभ भएको छ ।
आफ्नो जन्म दिनकै दिन उनलाई पुत्रलाभ भएको हो । विल्सनकी श्रीमती सरिना लामाले बुधबार छोरा जन्माएकी हुन् । एक केही दिन अघि अस्पताल भर्ना भएकी सरिनाको अप्रेसनबाट सन्तान भएको हो ।
अभिनेता विल्सनले पुत्रलाभ भएको खबर फेसबुक मार्फत सार्वजनिक गरेका हुन् । पत्नी र पुत्र दुबैको स्वास्थ्य राम्रो भएको पनि उनले बताएका छन् ।
अभिनेता विल्सनले सरिनासँग गत वर्ष फागुनमा प्रेम विवाह गरेका थिए । विवाहको खबर उनले केही दिन गोप्य राखे पनि पछि मिडियाकर्मीले सार्वजनिक गरेका थिए ।
