ब्युटी न्युज नेपाल
काठमाडौं, २४ पुष
मलेशियामा सम्पन्न मिसेस टुरिजम एम्बेस्डर वल्र्ड २०२०को ताज जितेकी नेपाली चेली शिलास्मा हमाल मल्ललाई काठमाडौंमा स्वागत गरिएको छ ।
काठमाडौंको रविभवन स्थित रोज ब्युटी पार्लर एन्ड ट्रेनिङ सेन्टरमा बरिष्ट ब्युटिसियन तथा रोज ब्युटी पार्लरकी अध्यक्ष सोनी कारंजितले नेवारी परम्परा अनुसार सगुन खुवाएर शिलास्मालाई स्वागत सहित बधाई ज्ञापन गरिन् ।
रोज ब्युटी पार्लर एन्ड ट्रेनिङ सेन्टरकी निर्देशक परिसी कारँजित, काजल क्रियसनकी अध्यक्ष एवम् फेशन डिजाईनर काजल शर्मा, सहित व्युटी न्युज नेपालका तर्फबाट शिलास्मालाई स्वागत सहित बधाई ज्ञापन गरिएको हो ।
२१ देशका महिलाहरु बीच भएको सो प्रतियोगितामा सहभागी भएर ती प्रतिस्पर्धीलाई पछि पारेर शिलास्माले मिसेस टुरिजम एम्बेस्डर वल्र्ड २०२० का ताज चुमेकीको भन्दै उनलाई कार्यक्रममा सबैले बधाई ज्ञापन गरे ।
बरिष्ट ब्युटिसियन तथा रोज ब्युटी पार्लरकी अध्यक्ष सोनी कारंजितले शिलास्माको त्यो सफलता भनेको समग्र नेपाली महिलाहरुको सफलता हो भनिन् । जीवनमा अझ धेरै प्रगती गर्न शिलास्मालाई शुभकामना दिँदै अध्यक्ष कारंजितले शिलास्माको सफलतालाई आफुहरुको सफलताको रुपमा रोज परिवारले लिएको बताईन् ।
आफुले आमा जस्तो मानेको दिज्यु एवम् बरिष्ट व्युटिसियन सोनी कारंजित सहित सबैको प्रेरणाले आफुले मलेशिया पुगेर यो उपाधि जितेको शिलास्माले कार्यक्रममा बताईन् । सो क्रममा केट काटेर शिलास्माको सफलताको खुसियाली मनाईएको थियो ।
गायिका सरिता भारतीलाई पनि बधाई
सोही कार्यक्रममा बरिष्ट ब्युटिसियन तथा रोज ब्युटी पार्लरकी अध्यक्ष सोनी कारंजितले गायिका, मोडल एवम् सञ्चारकर्मी सरिता भारतीलाई पनि बधाई ज्ञापन गर्दै सगुन खुवाईन् । रोज ब्युटी पार्लरबाट व्युटिसियन कोर्षमा डिप्लोमा गरेकी सरिता रोजकी अध्यक्ष सोनी कारंजितको विधार्थी हुन् ।
तीन महिना अघि मेरो जवानी…गीत र यो साता लुडो र तास…सहित दुई गीत आफ्नो स्वरमा निकालेकी सरिता गायनमा पनि सफल हुँदै गएको भन्दै अध्यक्ष सोनी कारंजितले उनलाई बधाई ज्ञापन गरेकी हुन् । सरिताको गायनमा उज्ज्वल भविष्य आफुहरुले देखेको भन्दै अध्यक्ष सोनी कारंजितले बताईन् । सरितालाई सो क्रममा फेसन डिजाईनर काजल शर्मासहित सबै व्युटिसियनहरुले त्यहाँ बधाई ज्ञापन गरे ।
