ब्युटी न्युज नेपाल
काठमाडौं, ४ असोज
पत्रकार अनुप ओझाले दोस्रो गीत ‘संसारै बैमानी…’ दर्शकश्रोतामाझ ल्याएका छन् । यसपटक ‘संसारै बैमानी’ लिएर आएका अनुपले अघिल्लो वर्ष ‘वारीको डाडामा म…’ गीत सार्वजनिक गरेका थिए ।
म्युजिक भिडियोमा कलाकार बिजय बराल, प्रकाश गन्र्धव, प्रकाश दाहाल, भावना थापा, सुरज चौलागाई, दिपराज विक र गायक÷रचनाकार अनुप स्वंयमले अभिनय गरेका छन् । गीतमा भानुभक्त ढकाल र झुमा लिम्बुको स्वरले पनि साथ पाएको छ ।
अनुपको दोस्रो गीतमा दशक लामो द्वन्द्व र संक्रमणबाट गुज्रिएको नेपाली समाज, अवसरको खोजीमा विदेशीने तन्नेरी र यही उपक्रममा बैमानीको पासोमा परेर बदलिन बाध्य भएको तन्नेरीको परिवर्तन समेटिएको छ । ईमानको खडेरी परेको यो समयमा अनुपले बैमानीहरुको बोलबाला रहेको सत्यलाई गीतमार्फत अगाडी ल्याएका छन् । ईमानमा चल्नेहरु कसरी दबिएका छन र उनीहरुको ईमानमाथी नै बैमानीहरुले कसरी हिलो छ्यापीरहेका छन भन्नेबारे अनुपले यो गीतमार्फत जिवन्त चित्रण गरेका छन् ।
अनुपको अघिल्लो गीतमा अवसरको खोजीमा देश छोडेर गएका साथीको सम्झनामा पोखिएको थियो । गीतले परदेश पस्ने तन्नेरीहरुलाई बालापनको याद दिलाईदिएको थियो भने परदेशिएका साथी संगी सम्झेर गाउ“मै बसीरहेका तन्नेरीको मनको भाव बाहिर ल्याईदिएको थियो ।
गीतको भिडियोमा सफल केसी र प्रतिक गुरुङको निर्देशन छ । यो भिडियो म्याड हाउसले उत्पादन गरेको हो ।
म्युजिक भिडियोको कोरियोग्राफी अष्ट्रेलियामा रहेको दि नेक्स्ट नृत्य समुहको नेतृत्व गरिरहेका प्रदिप लामाले गरेका हुन् । यसमा मुर्तजा शाहको कोरियोग्राफी रहेको छ ।
