ब्युटी न्युज नेपाल
काठमाडौं, १४ भदौ
आगामी दशैंको अबसर पारेर १७ असोजमा रिलिज हुने भनिएको निर्देशक अशोक शर्माको चलचित्र ’रातो टिका निधारमा’ अब १० असोजमै आउने भएको छ । घटस्थापना भन्दा अघि यो फिल्म आउँदैछ । १५ असोजमा बलिउडको वार सहित अरु दुई ओटा फिल्म रिलिज हुनेभएपछि रातो टिका निधारमाको मिति दशैं अघि नै १० असोजलाई तय गरिएको हो ।
यसै क्रममा यो चलचित्रको कलाकारलाई तीजको अबसरमा दर खुवाईएको छ । बसुन्धरा भुषाल, साम्राज्ञी राज्यलक्ष्मी शाह, जयनन्द लामा, खुस्बु खड्का, अंकित शर्मा, रविन्द्रा झा र निर्देशक शर्मा लगायतले सिनेमाको कार्यलय परिसरमा तीजको दर खाएका छन् ।
कलाकारले एक अर्कालाई दर खुवाउँदै तीज २०७६ को शुभकामना पनि आदान प्रदान गरिएको निर्देशक शर्माले बताएका छन् । रातो टिका निधारमाले यसपटकको दशैँमा दर्शकलाई पूर्ण मनोरंजन दिने निर्देशक शर्माको भनाई छ ।
यही फिल्मबाट निर्देशक शर्माले छोरा अँकित शर्मालाई नायकको रुपमा डेब्यु गराएका छन् । यो फिल्मको एक रोमाञ्चकारी गीत दुई साता अघि सार्वजनिक भएको थियो । यस्तै सिनेमाको ट्रेलरमा हलमा रिलिज भैसकेको छ । यसलाई युट्युबमार्फत मंगलबार रिलिज गरिने निर्देशक शर्माले जानकारी गराएका छन् ।
